Video Zohkhawh: Kan Dawtmi Thantlang A Kaang Cuahmah Tthan Ee (Meithal Puahthawng Zong A Dai Lo)

Thantlang khuami inn a kaang cuahmah than Nihin October 29, 10:50 AM hrawng khan Thantlang khuami inn a kaang cuahmah, tiah kan theih.

“Inn a kaang mi hi Market pawng, CB Bank pawng in Pu Chan Ham inn tiang hrawng a kaang cang an kan ti. Pu Chan Ham inn le market tiang hrawng ah inn 10 hrawng a um. Meithal thawng zong pehtlai in kan theih cuahmah,” tiah khuami pakhat nih The Hakha Times ah a chim.

Aluancia September 18 zaan zong ah Min Aung Hlaing naule nih Thantlang sianginn sang ah inn thatha 18 le Hotel pakhat an rak khangh bal cang. Credit: The Hakha Times

A Dang Relchih: Oct 28, Tuni Kahdohnak Ah Ralhrang 25 An Thi, Kawlin PDF Pathum An Thi Ve Oct 28, tuni ah Sagaing ramthen nichuahlei Phale (ဖလဲ) khua pawngah ralhrang 25 an thi i Kawlin PDF lei pathum an thi ve tiah Kawlin Revolution-KR nih thanhnak an tuah.

Oct 27 i ralhrang le Kawlin PDF kahdohnak zongah ralhrang 40 hrawng an thi. Cu chungah khah-lah-yah 10 (ခလရ ၁၀) in Bohmu Htut Oo (ဗိုလ်မှူးရဲထွဋ်ဦး-ကြည်း-၄၃၉၈၀) zong aa tel tiah theih a si. Bohmu Htut Oo ruak hi a ralhrang hawi hna nih a phungmen in an phum i cucu khuami le PDF hna nih tha tein phum than dingin an lak tikah aho a si kha fiangtein an theih khawhnak a si.

Cuticun khuami le PDF hna i bawm in Bohmu Htut Oo ruak cu tha tein an phum than tiah Kawlin Revolution nih an thanh. Ref: Khet Thit Media

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *