Related Articles
Hakha ah inn a kaang. November 1, 2021, Hakha khua, Dawrthar sang, No. 1 BEHS Siang inn hmai ah inn a kaang tiah kan theih.
Zeiruang ah a kangh ti theih a si rih lo. Mei thah ding in Meithat motor pawl an kal tiah kan theih. Thawng fiang thanh kan rak i zuam than te lai. Credit: The Hakha Post
The Hakha Times zong nih tihin a langhter “Hakha ah inn a kaang cuahmah. November 1, 1:30 PM, Hakha BEHS No.1 pawng ah inn an kaang i meithat motor 2 nih an phalh cuahmah. “Inn 4nak a tlaih cuahmah. Inn khatnak a kanghkate ah meithat motor a phan ko nain a phaal kholo i atu hi inn 4 nak a tlaih lio a si,” tiah pawngkam um mi pakhat nih The Hakha Times ah a chim.” ti’n an langhter ve.
A Dang Relchih: Atu lio ahcun CNA/CDF le IDPs (ralzam) lawng bawmh rih ding asi.
Reconstruction (ram sersiamnak) cu Cozah thar le kan ram uknak a that in kan sersiam than lai. Kan um sawhsawh hna lailo, ramkip INGOs le NGOs kan isawm hna lai. Ramkip pem (Diaspora) tefa hna kan um sawhsawh lailo. Cozah thar zong a cawlcang lai.
Kan ngeihchiat le kan vaansaan lio asi nain, a herh rihlo in ka ruah. Ho pumpak kan ti hna lo. A caan si rihlo. Kan Dohthlennak kan tei hmasa phot a hau. Ttialtu: Ram Tinthei
A Dang Relchih: Tu lio Lai Mino nih bochanmi Salai Ngun San Aung nih Thantlang raltuknak kongah tihin a chim ve “Ral tuk tikah a biapi bik cu hriamnam nak in strategy hi a si. Nizan in Thantlang a kang i a tu tiang. Thantlang um ralhrang pawl hi ziah nan kah hna lo nan ti.
Kah cu kan duh tuk ko hen ta. Asinain an tuahmi sualnak ruangah i phuhrung in zeitikdah an kan kah lai tiah aa timtuahmi ralhrang an sining kha tuak a hau. Inn cu kan sak than lai. Khua cu kan ser than lai. Minung nunnak bel cawk awk a tha lo. Ralram i a ummi raltuk thiamthiam ralbawi nih khua an ruah ko.
A rauh hlan ah nan hmuh nan theih lai. Hakha Thantlang kan um sawhsawh lo. CNF a thu sawhsawh lo. Mizapi kan lungthawng ko seh. Kan ralkap caah thla cam cio hna usih.” ti’n a van langhter ning cu a si.
THANTLANG KHUA CIAM KO HMANHSE BAWIPA AHCUN KA LAWM THIAMTHIAM KO LAI BAWIPA nih a kan pek i BAWIPA nih a lak țhan. BAWIPA nih let tampi Thluachuah he a kan pek țhan lai.
Biakinn kan sung, Biakinn ngeitu BAWIPA kan sung lo. Inn kan sung, inn hmun cu kan sung lo. Kan chawva ngeih chiah kan sung, kanmah kan nun kan sung lo. BAWIPA ahcun ka lawm thiamthiam ko lai. Abiapi cemmi pathum, BAWIPA, kan nunnak le kan inn hmun kan ngei ko rih. Hi pathum hmang hin, Thantlang khua cu dawh deuh le rem deuh le lam zong kau deuhin sak le remh a si țhan te lai.
Kan ngaihchiatnak cu ngan ko hmanhse, BAWIPA nih a kan timhpiakmi a ngan deuh. BAWIPA cu ka lawmh thiamthiam ko lai. BAWIPA nih Thantlang khuami vialte le Miphun dawtu vialte hna intuarthiamnak le lungțhawnnak in pe ko hna seh. Thantlang khua nih aman nan peekmi vialte hi, kan Ram le kan Miphun caah Thluachuahnak ah, BAWIPA nih a canter lai i, vantawng in, an sualnak ruangah khulrang in an rawk ko lai. Cucu khuadang tampi himnak a si ko lai.
Thantlang khuami vialte le Miphun dawtu vialte hna, ” kan inn cu zat a kang cang e, Thantlang khua a ciam dih cang e,” tiin thinhung ngaihchia in um hram hlah u. Satan hi caanțha pe hlah usih. Kan Ram kan Miphun caah aman kan pek ti tuin i uang deuh hna usih. BAWIPA cu ka zumh! Hi bantuk ruang ahhin dah kaw, PATHIAN bawmhnak Khuaruahhar cu kan hmuh tuannak a si lai cu! Faro le a ralkapbu hna rili sen ah an thih dihnak hnga, Faro lung a țhawntertu kha BAWIPA a si. BAWIPA nih a onh hna lo ahcun, thil țhalo hi an tuah kho lai lo.
Kan Ram le kan Miphun kan luat khawhnak hnga, Thantlang khua nih aman nan pekmi hi a Ropui tuk! Tuh caan te i nan tuhmi hi, BAWIPA nih Thluachuah an pek hrimhrim hna lai i, khuadang tampi luatnak ah a cang fawn lai. Thantlang khua nih kan Ram le Miphun caah aman tamcem nan pekmi hi ka uang tuk ko. Ahohmanh mawh chiat ding an um lo. Thantlang khua remh țhannak caah a sing 5 ka thawh. BAWIPA ahcun ka lawm thiamthiam ko lai, BAWIPA cu ka lawmh thiamthiam ko lai. Nan unau. Tluang Lian ( Martar). Ttialtu: Tluang Lian (Martar)
