Related Articles
Ralhrang Helicopter Ai Phakzawh Lo Caah Hakha Khua Um Non- CDM Pawl An Rianhmun Ah An I Thial Kho Lo Chin ramkulh, Hakha khua ah a ummi Non-CDM pawl chung ah a cheu cu riantthial ding, Rank kaimi le Pension lak ruang ah hmundang ah ai tthial ding pawl cu Helicopter ai phanhzawh lo caah Hakha in an i tthial kholo tiah theih asi.
A ruang cu riankai ruang le riantthial ruang ah hmundang ai tthial ding Non- CDM pawl cu ralhrang nih mawtaw kal an sianh hna lo i Helicopter lawng in an rak thiar tawn hna. “Hakha ah Non- CDM hmundang ai tthial dingmi tamtuk an taang rih, hmundang an i tthial tik ah mawtaw kal an sianh hna lo i Helicopter in an phurh tawn hna minung le antam Helicopter le a chel caan te lawng a phanh tik ah, ai hrengmi an tam ”tiah peng zung he ai naihniammi pakhat nih a chim.
Chinram in pension lami an tamtuk pin ah rianngei mirum pawl nih an tlunkhawhnak ding ah Helicopter hman khawh ve ding in zik an nawh hna ti zong a chim chih. Chin ramkulh in ramleng pehtlaihnak Hakha- Falam- Kalay lam le Hakha – Gangaw lam cu Chin ralkap CNA le CDF nih an pen dih cang. Crd: TFT
A Dang Relchih: Mandalay ah ralhrang phu nih an hriam hmuhsak in lam ah cycle he a chawk mi mipi hna cu tlerhkhonh in phaisa an hal hna, hmunhma kip ah dantatnak an tuah hna tiah theih a si. Ralhrang kuttang um thuamsawh hruk in hriamtlai mi hna, motor pi-ke le si-pin riantuan tu hna i fon in, mipi cycle cu an chuh hna, dantatnak an tuah hna cheukhat checkhlat an tong tiah, cheukhat pumpak checkhlat a tong mi hna nih an chim.
” Riantuan in ku-li lek mi an umkal nak cu a hlei in checknak an tuah, mask a bunh mi cu an tlaih hna i mask bunh lo in a kalmi zong tlaih an tong thiam. Cycle cung minung 2 a phirhmi cu tlaih an si. Dat-sii man a kai tuk caah minung 2 phirh in riantuan kan kal, kan cycle cu an kan chuh, phaisa kan i ken ah cun hlam colh a ngah na in phaisa kenlo ah cun kan cycle cu an kan chuh” tiah Mandalay khuachung ummi pakhat nih a chim.
Phaisa pe kho lo mi cycle hna cu Mandala- Tirih-zaangleknak hmun chung ah an fim i phaisa in tlanhthan a si lai tah motor pi-ke he a pehtlaimi hna sin in theih a si. Cun checkhlat a tongmi mipi hna cu ralhrang nih an hriam hmuhsak in an tlerhkhonh hna. A tu ah ralhrang phu hna nih mizapi lam ah an hriam hmuhsak in tlerhkhonh nak le checkhlatnak an tuah hna,an cycle zong chuh an ton caah cheukhat ku-li lek in paw a cawmmi hna cu riantuan kal i thawh ah thin phang ngai a si tiah khuami hna nih an chim.
