Related Articles
Hakha ah Pu Ral Lian Uk inn 2 ciam, a pawng inn a tlaih nain an phalh manh November 1, 1:30 PM, Hakha BEHS No. 1 pawngah Pu Ral Lian Uk (Thantlang Peng Tikhuangtum khuami) inn 2 a ciam i a pawngkam inn pakhat cu an phalh manh, tiah kan theih.
“Pu Ral Lian Uk hi inn 2 a ngei i a pahnih in a ciam. An nu nih cun dumchung ka umkar, ngakchia rual innchung ah um lio ah aa kaang tiin a chim i pawngkam nih cun an ihnakkhaan lei in mei aa thok, tiah an chim. Innpa inn pakhat a tlaih nain 2:30PM hrawng ah meithat motor nih an phalh manh,” tiah pawngkam upa nih The Hakha Times ah a chim. Credit: The Hakha Times
A Dang Relchih: Ralhrang nih Thantlang khua an khangh mi zoh tik ah tihnung le fihnung riantuannak a si, vawleipi nih dan a tat hau: Edward Ned Price.
October 29 zing in zaantim tiang Ralhrang nih Thantlang khua inn 164 an khangh mi hi tuksuum a si i fihnung mi riantuannak zong a si, vawleipi nih dan a tat a herh, tiah US Ramdanglei Minister Zung Spokesperson Edward Ned Price nih a chim. “Khrihfa biakinn le inn an khangh mi siseh, Chinram ah Kawl ralkap hna cawlcanghnak hi fihnung a si i cucu American dirhmun in kan dohkalh i kan thinphang ngaingai,” tiah Edward Ned Price nih a chim.
Min Aung Hlaing le a naule nih hin rammi zei an rel hna lo ning le nuhrin covo an buar ning a fah zia a lang i cucu tuanvo a lak a herh lai pin ah vawleipi nih hriamnaam zuarh ding a si ti lo. Cucaah, Myanmar ram democracy lamthluan ah a kal khawh than nakhnga a cawlcang mi mizeipoh he kan dirti peng lai, tiah a chimchap.
