Related Articles
Thantlang ah a voi 9nk Inn 49 An Khangh, Inn 254 a kang cang Ralhrang phu Ralkap nih November 24 chun sml. 2 hnu in Thantlang khuapi chung inn an khangh than i a tlawm bik 49 a kang cang tiah theih a si.
Nizaan le nihin tiang ah a tlawm bik inn 49 a kang, TCBC Biakinn zong a tel tiah a ngiathlaitu sin in kan theih.
Nizaan November 24, 2:30pm tluk ah Zung Hmun Sang in kangh hram a thok i inn 36 a kang. Cun, 6:30pm tluk ah Palek sakhan thlang in kangh hram a thok than i inn 10 a kang. Cu hnu ah, 11:30pm hrawng in Saihpiozi Sang ah a kang than i inn 3 a kang tiah theih a si.
Thantlang khuachung ah kahdohnak a chuah hnu in, inn 254 tluk a kang cang tiah theih a si. Chinland Post nih kan khomh khawh ning ah, inn kangmi cazin hi a tlangpi in a tanglei bantuk in a si; Thantlang inn kang zat, September 9 inn 1, September 18 inn 19, October 29 ah 164, November 6 inn 8, November 7 inn 1, November 9 inn 2, November 10 inn 7, November 11 inn 3, November 24 inn 49, Fonh: inn 254. Credit: TCP
A Dang Relchih: Ci na thlah khawhnak (fertility) cu fa ngeihnak caah na thil tikhawh tthawnnak a si. Thil tampi nih nu le pa nau ngeih khawhnak kha a hnorsuan (affect) khawh. Naupawi khawhnak le a ngandammi fa ngeih nak dingah an bawmtu ding lam hna an si.
KUM Nau ngeih khawhnak ding caah cun kum hi a biapi bikmi a si. Nu kum 35 nak no deuh le pa kum 40 nak no deuh cu kum a upa deuh mi pawl nak in nau ngeih khawhnak lam (chance) ttha deuh an ngei.
NUVA SINAK TUAH CAAN Nau pawi ding ah nuva sinak tuah a tthat bik caan cu nau a cuan ni (nu nauci umnak in a ci a thlah caan) le cu hlan ni nga ah a si. Hi caan cu nuphung hngalh caan a tawisau cungah aa hngat. Nu pakhat nih a kal lengmangmi a nuphung hngalh caan cu a thirat a ni 1 nak in aa thawk i a thirat tthan hlan ni ah a dong. Nau cuan caan cu nu thirat aa thawk tthan hlan ni 14 hrawng ah asi.
Nau ngeih khawh bik caan le naupawi khawh caan hngalhnak dingah naucuan caan tuaknak na hman khawh, hika ah zoh leh tuak khawh asi (www.yourfertility.org.au) Naucuan caan hlan deuh ah, nu in a chuak ton mi a ti kha a thiang i a nal fon, ar ti raang bangtukin a raang, cu nih cun nu cheukhat cu nau an ngeih khawh caan a si ti an theih khawh. Dawr ngan (supermarket) asilole sii dawr in naucuan caan a langhter nak thilri (ovulation predictor kit) zong na hman khawh.
Cucu tuah dih awk ah a har tuk deuh a si ahcun, ni 2-3 fatin nuva sinak tuah peng nak nih na naupawi khawhnak lam (chance) a tamter lai.
NAU NGEIH DING NAA TIMH MO? A SI KHAWH CHUNGIN A NGANDAMMI SI DING Pungsan tthatnak nih pa le nu nau ngeih khawhnak a tamter lai i ngandamnak nih ci pawl le baw pawl tthatnak a karhter lai. Nu le pa a ritzan a zami nih naupawi khawhnak ding lam a tamter i nau a ngandamnak zong a nunnak lamthluan caah a hnorsuan. A ngandammi tirawl ei-dingnak le taksa cawlcanghnak nih a ngandam mi ritzan (healthier weigh) sinak ah an hruai khawh. Cucu a har lai, nain kilo tlawmpal te na tthumh khoh mi nih tampi idannak a chuahpi khawh.
Hi bantukin an takpum sersiam ding kha a biapi tuk nu le pa nih nau an ser hlan ah: • A zat hman tein folic acid le idodine sii din ding (nu pawl caah), zinc le selenium sii din ding (pa caah baw tthatternak dingah) • Kuak zuk lo ding • Zu hrialnak asilole zu din zat isum deuh ding • Rithaisii pawl hrialnak le sii dang pawl kha ttihnung an sile silo hngalhkhawh ding • Caffeine a tammi dinhang pawl isum ding • Inn ah asilole rianttuannak hmun ah hmuh khawhmi chemicals pawl hrialnak • Siibawi pakhat nih bawmh in rikhiah piakmi tangah sii lei ithlopbulnak ngeih ding.
TAM DEUHIH THEIHNAK CAAH Na siibawi nih a thlithlup a simi le na thinlung a lami ruahnak cheuhnak an pek lai. Na nau ngeihnak lei thil sining kongkau asilole biaruah na herhmi pohpoh kha a ho sin hmanh ah an chim lai lo. A ngandammi rawleinak, taksa lei cawlcanghnak le nau ngeihnak dingah na takpum timhcia sinak ngah dingah tam deuh thawngthanhnak cu, hika ah www.yourfertility.org.au rak zoh veh.
