Related Articles
Tabayin, Nyaunghla khua pawng ah ralhraang le rammi rungvengtu tangti phu kar kahdohnak a chuak, ralhraang 50 hrawng an thi.
Sagaing ramthen, Tabayin peng, Nyaunghla khua ah ရွှေဘိုမိုးကြိုးမုန်တိုင်း Tangti PDF phu hna le Saygyi khua lei in a ra mi ralhraang 150 hrawng kar kahdohnak a chuak i ralhraang 50 hrawng an thi tiah ရွှေဘိုမိုးကြိုးမုန်တိုင်း nih thawng an thanh.
Ralhraang hna nih thazaang tampi hmang in an nawr, Mi 35p raltuknak helicopter pahnih hmang in kohdahnak an tuah caah rammi rungvengtu PDF pakhat hma a pu tiah theih a si. Credit: The Hakha Post
A Dang Relchih: Ralhraang lubik Min Aung Hlaing acozah le India Modi acozah hna hi an i pehtlaihning a ttha ngai nain, India nih hin ttha tein an ruah tthan dingmi thil tampi a um ve tiah American hrambunh CSIS nih a tarlangh.
Ralhraang nih rampi nawlngeihnak an laak hlanah Modi le India acozah nih cun Myanmar rampi Democracy lei lam a zawh dingmi cu an duhmi a si tiah an rak chim, thimnak ah teinak a cotu Daw Suh Kyi zong lawmhpinak ca an rak kuat. Asinain, ralhraang nih rampi nawlngeihnak an laak hnuah Modi cozah nih cun ralhraang lei deuh hi hmurka ttha an peek ngai hna.
March 18 ah khan Minister of Home Affairs of India nih India ramchung Northeast State i a um mi, Mizoram, Manipur, Arunachal le Nagaland tibantuk pawl hna cu Myanmar ralzaam pawl cohlang lo dingin nawl a rak chuah. Tutiang ah India nih hin Myanmar ralzaam hi cohlan taktak a um rih lo nain Mizoram nih an mah nawl in an cohlan rihmi hna a si. Culawng hlah, Delhi i um cia Myanmar ralzaam pawl zong US le ramdang kal khawhnak ding cu India cozah nih a phih piak dih hna, tu ah ahohmanh ramdang kal dingin India ram in chuahkawhnak nawl an ngah kho ti lo.
March 27 i tuahmi Myanmar ralhraang puaipi ah ram 8 chungin an palai cio an thlah hna, cu chungah India zong aa tel ve. A dang ram hna cu Bangladesh, China, Laos, Pakistan, Russia, Thailand le Vietnam hna hi an si. Cu pin lei ah India nih cun Myanmar ralhraang sin ah hriamnam a zuarh chap rih hna. UN duh lomi le pom lomi a si nain, Russia le China bangin India nih hin Myanmar ralhraang cu a dirpi ngaingai hna.
Zeiruangah dah mipi zawnruahnak ngei loin India cozah nih hin Myanmar ralhraang hi a dirpi hna tiah cun Myanmar ralhraang a dirpi hna tikah phaisa lei an dirhmun a ttha taktak ve. Cucu Gas, Oil le thil dangdang ah ralhraang sin in phaisa hmuhnak lam tampi an ngei. Myanmar ramchung i thil manhlu pawl cu China le Russia kut lawngi a luh ding cu an duh lo pin ah anmah hlawknak ding zong ruat phah in India nih hin Myanmar ralhraang a kawmh/thlem nak hi a si.
Hi ti a si tikah Myanmar ralhraang zong nih remnak tampi an rak tuahpi ve hna. Tu ah Delhi i UN card ngei cia hna zong UN card in ramdang an kal khawhnak dingah India chuahtaak khawhnak caa ngeih a hau i cucu India Home Minister nih peekchuah rih lo dingin palik zung ah nawl an chuah hi a si. Myanmar Embassy lehlam ah theihpinak ca (tthohkhansa) laak ter a si cang i cucu Myanmar ramchung um chungkhar pawl tiang ralhraang nih an theih phah dihnak hna hi a si.
India nih Myanmar ralhraang rian a ttuanpinak ah Chinram le Rakhine ramkulh chung hi an paltlang hrimhrim hna a herh i, India nih Myanmar le Thailand tiang lampithluan tuah dingin hnatlaknak zong an ngei cang tiah a tu i hi thawngpang pawl hi American hrambunh CSIS i an tarlanghmi cu a si.
Note: India le Myanmar ralhraang pehtlaihnak kongah Chin miphun dihlak biatak tein thlacam kan herh zeicatiah India cu Myanmar inn pa a si tikah hi an ipehtlaihnak a cah ahcun dothlennak kan tuahmi ah tampi hlawknak a um lai. Bianabia ah hriamnaam te hna fawi tein kan cawk khawh hnga a tu ahcun phaisa hmanh um sehlaw hriamnaam cawk a har tibantuk an si hna pin ah Refugee a tuah i card aa tlaih cangmi ca hrim ah a ttha lai zeicatiah a cunglei tampi kan langhter cang ko khih. Cu caah cun biatak tein Thlacam ko hna usih.
