Related Articles
Vawlei cung hi thil khuaruahhar le kan ruahphak khawh lomi thil an hung cang lengmang. Tutan thil hi khuaruahhar ngaingai pakhat cu a si ve, India ram, Assam State ah Meheh pakhat nih minung muisam a ngeimi fa a hrin hi a si i, social media chungah a hung laar ngaingai.
Meheh (goat) pakhat nih minung bantuk in muisam a ngeimi cu India ram, Assam i um Cachar district, Gangapur khua ah a hrin. Cu Meheh nih cun sam/hmul zong a ngei lomi, minung bantuk tein muisam a kengmi a mit, hnar le kaa hna cu minung nih kan ngeihmi bantuk te cun a ngeih ve. A hnakhaw belte hi cu Meheh bantuk kha a si. Cu Meheh fa hrintharmi nih cun kee pahnih te lawng a ngeih i mei (tail) zong a ngei lo tiah report i an langhter ning cu a si.
Cu Meheh bawhte cu a chuah le cangka caan tlawmpal te ah a thi colh ve tiah theih a si. Cu thawngpang cu Gangapur khua in theih a si i Dholai Vidhan Sabha timi ramkhel lei zung pakhat ah cu thawngpang cu thanh colh a si. Pawngkam le khuami tthenkhat hna nih cun cu meheh (minung muisam) kengmi cu Pathian thil tuahmi a si lai tiah an zumh. Meheh ngeitu hi a min ah Shankhar Das tiah auh a si, cu a zuatmi Meheh nih cun pakhat a hrin tthan i pakhat tu cu normal te a si i a ngan zong dam ngai tiah thawng theih a si.
Das zong cubantuk a voikhatnak meheh nih a hrinmi minung muisam keng bawhte a hmuh tikah a lau in a khuaruah zong a har ngaingai. Pawngkam um khuami hna zong khuaruahhar in a chiah dih hna. Thawngpang an theih le cangka tein khuami tthenkhat hna cu va zoh ve dingah Das inn ah cun an tli colh hna, an va hmuh cio tikah khuaruah har in a tuah hna. Source: TOI. Note: A ngeitu sin ah theihternak tuahta loin COPY tuah hrimhrim lo ding.
