Related Articles
Nu pakhat nih cun ka pasal hi hringtu ka nu a siah ka naunu a si ah nuva siinak ah ka sianh ko hna tiah a chim. Brook Maklin nih cun an chungkhar sining cu mipi sin ah a phuan. Brook Maklin nih cun tu lio a laar ngaingaimi TikTok account hmang in video pakhat cu a upload ti si i cu ahcun pa pakhat aa hrawm kho mi ka si ti’n aa chim (mirang in cun swinger an ti i tu lio ahcun a laar ngaingai).
A chim ning sullam cu a pasal kha a lenglei in mizei bantuk paoh he aa hrawm kho ti nak a si, Brook pasal caah phun dang in chim ahcun hnangam ngai khi a si. Video tawite pahnih a rak post i cu ahcun a pasal cu a nu siseh a nau siseh ka hrawmh hna ti’n a langhter. Video ahcun “Mah hi ka nu a si, si, ka pasal caah zarh khat voihnih hrawng hi cu ka pek tawn, si ee, cubantuk lungput a ngeimi nupi ka si” tiah video a rak thlahmi ahcun a chim.
Biatak a chim le chim lo belte pakhat hmanh a fiang lo, hmanhsehlaw pakhat deuh video ah khan, Brook nih cun a pasal pa cu a nu le a naunu cu hnamh (kiss) a fial i a pasal nih cun a tuah taktak ve ko. Tthenkhat video a thlahmi zongah mitampi he aa hrawmh khawhnak tete zong a chim chih lengmang. Cu video tawite cu millions tampi nih an zoh ve tikah comment zong tam lakte an pek ve. Tthenkhat nih cun zeitindah a si khawh ning si, thil a si kho lo mi a si ti te hna an um, pakhat nih fa pawi sehlaw zeitin a si lai tite hna in comment tu tampi a tong leen. Tthenkhat ve nih cun i ceihnak nawl kan ngei lo pakhat le khat kar ah dawtnak a um paoh si ahcun a ttha ko tiah comment tu zong an um ve.
Hibantuk nuva siinak ihrawmpi timi hi tu lio vawlei cungah a hun thang lian ngaingai cang, tthenkhat minung hna nih cun nuamhnak sawhsawh phun ah a ruatmi an tam cang. Media pakhat The Closer timi nih a langhter ning ahcun Britain ram um one million nak tam nih cun a buu in nuva siinak tuah hi an kalpi cang pin ah nupi i thlen tibantuk hna zong a luanciami kum 10 chungah hin 50% hrawng cu a karh cang tiah a langhter.
Psychologial therapist Emma Kenny nih a hrilhfiah ning ahcun “Hibantuk in nuva siinak ihrawmh timi a karh chin thluahmahnak a ruang bik hi technology a saan tuk cang caah a si, a luanciami kum ah rak thei hmanh hna sehlaw, pakhat le pakhat i kawl ning cang siseh i ton ning cang hi a har lai. Atu ahcun, zeipaoh a fawi tuk cang, pakhat le pakhat zong fawi te in iton khawh a si, online in maw siah apps pakhat khat in maw si ah a buu nuva siinak tuahnak ding caah a fawi tuk cang.
“Cun a ruang pakhat a um tthan mi cu, nu hna nih nuva siinak ah an ngeihmi le an duhmi hi lawmh ding le nuamh ding ah kan ruah cang, i suum dingmi thil ah kan ruat ti lo. Source: ladbible
