Related Articles
Ralhrang phu nih helocopter kahnak ruangah Yemyait khua chungah ruak 7 an hmuh. Sagaing ramthen YeeOo peng Yemyait khua ah ralhrang phu hna nih December 20 ni ah helicopter he an kah hnu ah nihin December 24 ni ah miruak 7 hmuh an si. Kum upa cangmi tar nu pakhat cu a kee a kiah caah tli kholo in nithum chung rawl eilo in a ihnak ah a ummi cu khuachung mi nih an hmuh tiah theih a si.
“Kan hmuhmi miruak hi pa 3 le ni 2 ruak an si, cu hnu ah minung 2 ruak hmuh than an si. Meikhangh mi nu ruhro zong hmuh an si, dihlak ah hmuhmi ruak hi minung 7 ruak an si, cun tar nu pakhat cu kee kiak in ihnak ah rawlei lo in nithum chung aummi cu kan hmuh” tiah khuami pakhat nih a chim. Khuachung ummi inn zuat satil hna zong ralhrang kuan in hliamhma an tuar, rawl pe tu zong an um lo caah der ngai in an umhna tiah theih a si.
Sagaing ramthen ah December 20, YeeOo peng Yemyait khua cun December 21 ah Tanhsee pen Laitchain (လိပ်ခြံ) khua, December 22 ah Gyunhlah (ကျွန်းလှ) peng Kazuninn(ကန်ဇွန်းအင်း) khua hna cu ralhrang phu nih helocopter he van lei in an kah hna leng ah ralhrang minung thazaang tampi a chap tiah khuami nih an chim. Credit: The Chin Post
A Dang Relchih: Myanmar ramchung Catholic hruaitu ngan bik Cardinal Charles Bo le ralhrangbu hotu bawizik Min Aung Hlaing cu Dec 23, nizan ah khan an i tong tiah theih a si. Hi kong he pehtlai in Catholic chungtel hna cu khuaruahhar le lungrawk in kan um ko tiah ICCM nih cathanh an chuah.
Dec 23, nizan zanlei ah Rangoon khuapi Botahtaung peng Saint Mary Chathedral biakinn pawng i Cardinal Charles Bo umnak ah Christmas lawhnak thlacam an tuah i cuka ah cun ralhrang hotu Min Aung Hlaing zong aa tel ve. Independent Catholics for Justice in Myanmar (ICJM) cathanh ah cun ralhrang hotu le Cardinal Charles Bo tonnak cu Myanmar ram chung Catholic chungtel dihlak duhnak he aa kalh caah Catholic chungtel hna a aiawh lo, a ruang zeibantuk zong va si ko seh, ralhrang bu hotu a cohlang mi Cardinal Charles Bo le a dang pumpak an si ah, a bu an si ah fak piin kan soisel, tiah an langhter .
Cu lawng si loin hi tonnak cu nawlngeihnak lak hnu in ram le miphun caah a nunnak a liammi hna le hrawh le khangh a tongmi biakinn vialte zeirello a sI. ICJM cu dinnak caah dirhmi a si bantukin dinlonak a tuahtu le anmah he a komhmi hna cu kan doh hna i dinnak caah ral a dohtu mipi hna sinah a zungzal in kan dir lai tiah ICJM nih an langhter fawh.
