Related Articles
Daw Aung San Suh Kyi le U Win Myant cu ralhraang lei nih thong thlak ding kum hnih an ngaihthiam hna. Cun thong inn dang kuat lo in a tu an um nak thong ah an um ter hna lai.
Daw Aung San Suh Kyi cu December 6 zing ah Nay Pyi Daw biaceih zung i bia an khiah ning ahcun kum 4 chung thong thlak ding in an ti. Ralkap lei bawi bator Min Aung Hlain nih kum 4 chung thong thlak ding cu kum 2 lawng thlak ding in bia a chuah. Daw Aung San Suh Kyi le U Win Myant hna i pohmah 505 B in thong kum 2 ve ve thlak ding le Tabawah be simankhanhkhuai Ye lein in kum 2 thong thlak ding in an ti hna. Daw Aung San Suh Gyi ban tuk in U Win Myant zong kum 2 an luat ter ve.
Cun Daw Aung San Suh Gyi zong thong dang kuat lo in a tu a um nak thong ah chiah asi rih ko lai tiah ralkap lei thawngthanhtu Bokyot Zaw Min Thun nih BBC ah a chim. Mah ruangah February 1 in an tlaihmi hna Daw Aung San Suh Kyi le U Win Myant hi an thlak cia mi he tuak chih ah cun thong hi kum 1 le thla 2 lawng thlak an i duh ti a si. Sinain Daw Aung San Suh Gyi hi thong sau pi thlak khawhmi Ahmuh 9 hi biaceih a si rih lai tiah theih a si. BBC
Thawng Dang Relchih Hmanh: India Ram Nagaland Ah Ralkap Nih Civil Mi An Kah Hna, 13 An Thi Zarh hmasa Zarhte Ni ah khan India ram i state pakhat Nagaland ah security forces (Assam rifles ralkap) hna nih civil mi an kah hna caah minung 13 an thi. Hi thil a cannak hmun hi Mon district i Oting khua pawng, Tiru-Oting lampi ah a si. Assam Rifles (ralkap) hna nih hin hriamtlai phu an um, tiah biathli an theih ruangah lungmeihol khur cawhnak riantuantu minung 30 citnak motor cu hriamtlai phu ah an ruah sual hna i an kah hna. A hmun ah hin minung paruk an thi colh.
Security forces hna cawlcangh ning mipi nih an theih bak in, mizapi thinhung tuk mi nih cun Assam rifles camp an dum colh i, ralkap motor an duah leng ah buainak an tuah colh. Ralkap nih anmah dohtu mizapi cu an rak leh ve hna i, civil mi pasarih an kahthah hna, ralkap pakhat a thi ve, tiah official lei nih an langhter. Hi buainak ah hin minung zeimawzat nih hliam an tuar, tiah an langhter fawn.
India Army, India ralkap lutlai nih cun Nagaland i India ralkap cawlcanghnak cu ‘a poi tuk’ an ti lengah thil umtu ning hlathlai colh ding in order an chuah colh. Civil mi hna thih ning cu court of injury nih a kherhhlai lai i, phungning tein tuanvo laak a si te lai, tiah cathanh an chuah. Union Defense Minister Rajnath Singh le Indian Army Chief General MM Naravane sin zong ah hi buainak kongkau hi tlunh a si.
Union Home Minister Amit Shah zong nih security forces hna nih mipi nunnak zeimawzat an laak cu, a poi a ti tuk kong le chiat a tong mi chungkhar hna zong a tuarpi hnanak kong a chim. Special Investigation Team(SIT) hna nih fiangfai tein hi buainak kong hi an hlathlai naklai kong zong a chim.
Nagaland Chief Minister Neiphiu Rio zong nih Oting khua pawng i Assam rifles hna cawlcangh ning cu fakpi in a soisel i, mithi chungkhar hna a tuarpinak le hliamhma a pu mi vialte an dam zawkzawk khawh nakhnga a duhsaknak hna kong zong a chim fawn. Hi buainak kongkau ah hin phungning tein tuanvo laak a si lai, tiah a chim i, mizapi lei zong an thinhunnak rak i sum rih ding i a nawl hna.
