Related Articles
Breaking News : Uico ralhraang le Karenni National Defence Force karlak ah kahdohnak faak tatak a chuak cuahmah tiah theih a si.
A tu hi Karenni National Defence Force le ralhraang karlak ah kahdohnak faak taktak a chuak tiah thawng theih ning a si. An i kahnak hmun hi Loikaw, Kayah State ah capital a si, cu pawngkap ah cun faak taktak in an i kaap cuahmah ko tiah thawngtheitu nih an chim. Kahdohnak a faak ngaingai caah thawngpang a chia kho tiah an chim.
Kaphnih kahdohnak hi a tu Kawlram suimilam caan in Suimilam 4:15 AM, December 29, hrawng ah kahdohnak aa thok tiah theih a si. A tu hi an i kah cuahmh lio a si caah a thi mi le aa hliam mi minung zat theih khawh a si rih lo. Credit: Chindwin News Agency
A Dang Relchih: Sianginn Kai Lomi Na Si Ruangah Na Lungfak In Hnulei Ah Nai Mer Sual Ma? Fimthiamnak chan le technology chan ah kan lut cang i ramkhat le ramkhat hmanh rawl kan ei cuahmah lio zong kan i hmu kho cang i thuthmun in Online catialnak hmanh In kan paw kan I cawm kho ve cang. Cuticun Laimi zong nitlaklei ram fimthiamnak tilian nih a vun kan phum ve i pastor hmanh ah tang 10 awng lomi cu a duh ti lomi Khrihfabu kan hung tam ngaingai cang. Cucu a tha ngaimi ruahnak le thancho phunkhat asi, Khrihfabu nih cawnnak hi a support tuk caah Pathian riantuan na duh zong asi le fimthiamnak zong a zatawk in ngei ve kho law mipi cawnpiak zong hi nai foih deuh lai, tiah kan ram le Khrihfabu nih fimthiamnak le cawnnak hi a herhtuk caah duhsaknak asi ko.
Asinain kei cu sianginn kai lomi ka si, kei cu tang 10 ka awng lo, tang 10 awng cu chim lo tang khat manh ka phan lo tiin zeizong vialte hi hnu leiah nachittak viar sual ma? Pathian mihman cawnnak sang a ngei ve lomi le vawleicung ramhruaitu lianngan tang cheu hman phan lomi tampi hi vawlei ah an rak um tung ko, timi vun thei law hnu lei na chittak mi mah le mah i zumhngamlonak kha mer tak cang dingin forhfial kan duh.
Cawnnak Sang Ngeihlo Ramhruatu le Presidents Hna; Vawleicung hi cawnnak saang ngeimi le tang 10 awng mi ca lawngah sermi vawlei asi lo i, Pathian rian zong hi cawnnak a ngeimi le Bible sianginn kaimi ca lawng asi lo. American President minthang bik Abraham Lincoln kha tang 10 cu chim lo sianginn a kai lomi asi, a hngakchiat lioah a thla chung te lawng a min taktak in a rak kai i ai phuak colh i amah tein a upat hnu ah ca hi ai cawn chawm i amah tein England pa William Blackstone nih atialmi “Commentaries on the Laws of England” timi cauk a relnak in Illinois Lawyer ah arak I cang i thla 18 chung te lawng Indiana lo ah arak riah pah i a cawn fukfakmi te lawng kha asi ko. A hnu ah cun Lincoln cu November 6, 1860 ah 16th US President arak si i America presidents vialte lakah minthang bik asi zungzal thiamsang hna nih mark an pek ning in. Nihin tiang I US presidents tuanmi nih a tluktu an chuak rih lo lawng siloin vawleicung minthang bik pa asi.
Culawng hlah American i kan pa bik, US President hmasabik George Washington khi college a phan ballomi le cawnnak sang a ngei lomi hruaitu tha le lianngan taktak mi, American nih vawleicung a dongh hlan lo philhkhawh lo dingmi pasaltha asi. President Grover Cleveland, president Andrew Johnson te hna khi Elementary school tiang lawng a phan mi an si ko hna. Vawleicung Ralpi Pahnihnak (WWII) a rak teitu UK PM Winston Churchill te hna kha catial le a rel a thiam fangfang te asi ko, UK nih German ral tih in an rak thir lio ah an PM tiang nih a zaamtak lio hna ah cawnnak ngei huaha lo le zuutama Winston Churchill nih UK cu a rak khamh i cucu vawleicung Ralpi Pahnihnak zong a rak dihtertu asi diam ko.
Jacob Zuma (South Africa president), Mohamed Ould Abdel Aziz ( MAURITANIA President) le Salva Kiir Mayardit (Sudan president) le bang hi cu sianginn tangcheu zong a kai baklomi an si i, asinain ralkap training (military academy) upat hnu ah a dih sawh mi an si. Isaias Afwerki (Eritrea President), Abdelaziz Bouteflika ( Algeria president),Paul Kagame (Rwanda President), Muhammadu Buhari (Nigeria president), Omar Hassan Ahmad al-Bashir (SUDAN president), Ismaïl Omar Guelleh (Djibouti President) hna hi secondary School te lawng a phan mi lianngan hruaitu an si, ram caah a biapi tukmi President an si diam ko. Vun chim ahcun a tamtuk lai caah kha vial khan si rih phawt seh!
Forhfialnak Sianginn kai lo hi ka support mi si loin harsattuk ruang, nulepa ngeihlo (ngaktah) ruang le umnakhmun ah kan him lo ruangah sianginn kai kho lo, nuhrin mifim hngalhnak tampi a ngeimi le pahrang thiamnak tampi a ngeimi asi ko nain mah le mah zumhngamnak (self confidence) ai ngeih lomi ka chim ngam lo, ka tuah ngam lo tiin um sual lo ding hi kan forh duh hna. Vawleicung hruaitu hna an sining cunglei minung pawl sining khi zoh hna law tih hlah.
Pathian riantuan na duh asi zongah sianginn kai lomi le tang 10 a awng lomi na si tikah i dawnhter hlah, Zumhtu hna nih kan philh khawh lomi Evangelist minthang Dwight L. Moody zong kha catial le carel athiam fangfang te asi ko nain Khrihfa mi nih cun zumhnak ah kan pabik bantuk ah kan ruahmi cawnpiaktu asi ko. Na caah vawlei hi man ngeihter ko, thil na ti khawh deuh paoh le na derthawmnak na hman kha midang nih cun an in virh khoih piak ko lai. Sianginn kai lo pa, cawnnak ngeilo pa kuttang um kan duh lo, cawnnak ngeilo pa hruai kan duhlo, cawnnak ngeilo pa pastor kan duhlo, cawnnak a ngeimi an tampi ko, tiin an lungthli in an in ti ko lai, cucu vawleicung phung asi ko tiah ruat law a cunglei milianngan pawl dirhmun nih khin ralthatnak In pe zungzal ko seh. Tialtu: Chelsea Bawi (Indianapolis, IN, USA)
