Related Articles
Kan theih cio bantukin December 5 ah Mindat khua a um mi nufa hna cu ralhraang nih hmanhmi(landmine) bomb lamhsual ruangah a nu cu a hmun lila ah a nunnak a liam i a fanu te cu a ke tanpiak in Sizung pi ah um in an thlopbul cuahmah tiah theih a si.
Hi puahnak kong he pehtlai in Kawlram um tualchung Media tthenkhat langhter ning ahcun an nufa tein lo/ram an kal i an tlun lei ah hmanhmi bomb an i lamhsual hi a si tiah an langhter. A fanu te hi ngakchia te lawng a si i kum 2 tluk te lawng khi a si, a kehlei ke cu tanpiak a si i sizung ah zohkhenh a si hmanhselaw hringtu a nu belte cu a hmun lila ah a thi colh.
Ralhraang nih an kan tuahto ning hi cu zeitik hmanh ah philh awk a ttha ti lai lo. Kan ngaih a chia tuk cio i celh awk a ttha lo. Hi thawng he pehtlai in Lai miphun nih bochanmi Thawng Tha Thang nih a ngaihchiatnak a langhter ve pin ah an umnak Yangon siizung tiang kal i va zoh hna zong aa tim. Thawng Tha Thang hi pulrai nih an kan tlunh caan le bawmh kan herh caan ah bawmtu salttha pakhat zong a si i, hitluk zawtfah tam lio caan ah nun pekin miphun a chanhchuah ngamtu pa ralttha pakhat a si.
Tihin a langhter “Mindat kan fanu te rallokap hmanhmi bom aa lamh sual i a ke khat lei aa tan. A nu nih a hmun lila ah a thih tak. Yangon sizung ah an rat pi i, va len khawh ka tim. Maw a thawngmi Pathian kan mi hna rak khan ven piak law, kan miphun kan dir pi in, kan bawm chan ko sawh.” ti’n amah facebook cahmai ah a langhter ning cu a si.
A Dang Relchih: Daw Aung San Suh Kyi le U Win Myant cu ralhraang lei nih thong thlak ding kum hnih an ngaihthiam hna. Cun thong inn dang kuat lo in a tu an um nak thong ah an um ter hna lai.
Daw Aung San Suh Kyi cu December 6 zing ah Nay Pyi Daw biaceih zung i bia an khiah ning ahcun kum 4 chung thong thlak ding in an ti. Ralkap lei bawi bator Min Aung Hlain nih kum 4 chung thong thlak ding cu kum 2 lawng thlak ding in bia a chuah. Daw Aung San Suh Kyi le U Win Myant hna i pohmah 505 B in thong kum 2 ve ve thlak ding le Tabawah be simankhanhkhuai Ye lein in kum 2 thong thlak ding in an ti hna. Daw Aung San Suh Gyi ban tuk in U Win Myant zong kum 2 an luat ter ve.
Cun Daw Aung San Suh Gyi zong thong dang kuat lo in a tu a um nak thong ah chiah asi rih ko lai tiah ralkap lei thawngthanhtu Bokyot Zaw Min Thun nih BBC ah a chim. Mah ruangah February 1 in an tlaihmi hna Daw Aung San Suh Kyi le U Win Myant hi an thlak cia mi he tuak chih ah cun thong hi kum 1 le thla 2 lawng thlak an i duh ti a si. Sinain Daw Aung San Suh Gyi hi thong sau pi thlak khawhmi Ahmuh 9 hi biaceih a si rih lai tiah theih a si. BBC
