Related Articles
Christmas zingah pacem le a fapa le pahnih hna cu Christmas tree a kaangmi nih inn a kangh chih caah an nunnak a liam tiah nawlngeitu nih an chim. Erik King le a fapa le Liam, taang 5 kai lio, le Patrick, taang 3 kai lio, hna cu an mah inn Quakertown, Pennsylvania ah an nunnak a liam tiah Quakertown Community School District Superintendent a si mi Bill Harner nih a chim.
Hringtu a nu, Kristin King le an fapa upabik Brady, taang 8 kai cuahmah lio, belte nungdam tein an chanhchuah hna. Hi an thihnak le inn a kanghmi kong he pehtlai in Meithat bawi Douglas Wilhelm nih ABC News ah a chim ning ahcun hi mei alh aa thok nak hi Christmas tree in a si tiah a chim. Christmas tree cu kan va zoh. Mei ceu (lights) nih khan Christmas tree hi a khanghmi a si lai tiah kan zumh cio tiah veeng palik Scott McElree nih cun report a pek ning a si.
Thihnak a tongmi innchungkhar hna nih hin Christmas tree ah an hmanmi hi a nungmi (thingkung hnah taktak) kha an rak hman, a ro thluahmah i cuticun meiceu nih a tlaih khawh hi a si ko tiah an chim. Mei kangh ning a fah tuk caah zeihmanh inn chung thilri chuahmanh ding zong a um lo.
“Hi thawngpang kan theih cu kan lau in kan lung a faak cio a bikin hi Quakertown area chung um mi le shcool district community nih kan tuar ngaingai. Eric le chungkhar hna hi kan community chung zongah a cawlcangmi le bochan taktakmi an si. School District nih hin King chungkhar hna caah siseh hawi le kawm rual hna caah kan ngaihchiatnak kan rak langhter ve.” tiah District Superintenden Bill Harner nih cun a chim. Source: abcnews
A Dang Relchih: MIZORAM CHIN RALZAAM BAWMHNAK KONG ASI HIH Mizoram Chin ralzaam caah ramthumnak or hmun dangdang in a rami bawmhnak kong hi lung atha ti lo. Mizoram Chin ralzaam hna hi tawlreltu phu an um hna. Mah tawlreltu phu/group cheukhat nih ralzaam umnak khua kip ah bawmhnak hi phakter dawh an si lo.
Cun, a phanhnak hmun/khua cio zongah avoitam/tlawm ithlau cio ngai dawh asi. Nihin tiangah atlangpi in bawmtu hna nih bawmhnak an kalter ning zong hi Farkawn le Sangau ti deuh an si. Farkawn ah bawmhnak heh tiah an pek hna ah hin Farkawn pawng Vaphai khua ralzaam hna cu bawmhnak pakhat hmanh an hmu ve lo (atu hi cu an hmu ve cang kho men). Sangau khua ralzaam hna cu bawmhnak an phawt pah lengmang ko hna nain pawngkam khuate ralzaam hna sin ah bawmhnak a phan tuk theng rua lo.
Chin (Hakha Thantlang peng chung) ralzaam hi Lai District le Mara District khuate tampi ah an um hna (an tlawmtam belte an i lo hna lo). Khuate cheukhat ummi ralzaam hna nih bawmhnak voihnih thum an tin lio ah khuate cheukhat ralzaam hna cu voikhat lawng hna bawmhnak a tingco mi um dawh asi. Cun, tuan deuh ah Thantlang pastors caah bawmhnak timi zong kha Thantlang khua pastor asi ko nain nihin tiang ah a tingco lomi an um thiam thiam. Thantlang pastors hi 40 hrawnghrang an si lai dah.
Thantlang pastors hna cu min itheih dih lo zongah khrihfabu zohchun in tha tein ipehtlaih khawh dih, itheih khawh dih ding ah ruah a si ko nain. Note- Ralzaam bawmnak tawlreltu hna sualpuh duh ah a si lo. Bawmhnak atingco hnga dingmi cio cio ah pakhat tincoter i adang pakhat tincoter lo hi a tha lo. Atlingmi ahohmanh kan um lo nain zumhtlak sinak hi a biapi bik asi zungzal. HI KONG AH CHERHCHAN THA TEIN A UM. Ttialtu: Ceuuk Ceuuk
