Related Articles
Kum 39 tluk upa a si mi Tuluk(China) miphun pa nih cun a tthen cangmi a nupi tthing cu zualhma ngai damlonak a ngei ti a theih le cangka a tthit tthan.
Tuluk ram ah khua a sa mi kum 39 tluk upa Chen Zhenfeng thil tuahmi cu Tuluk ram social media pakhat a si mi Weibo ah cun a hung lar ngaingai cucu zeidah a si tiah cun a tthen cangmi a nupi tthing nih zawtnak faak a ngei ti a theih i, a nupi tthing cu zohkhennh ding le a dongh tiang umpi tthan dingin timhlamhnak a ngeihmi cung ah khan a si tiah Tuluk media tthenkhat nih cun a langhter.
Chen nupi, Xie Hongxia, hi kal(kidney) lei zawtnak faak ngai a ngei i cucu a kal tiang aa rawk kho ding dirhmun ah a um. Cucu Chen nih thawngpang a theih le cangka hi ti timhtuahnak a ngeih hi a si. Chen hi tuluk ralkap sinak in pension a laaknak hi kum 20 hrawng a luan cang. A nupi damlonak ah a dihmi vialte phaisa cu a mah nih pek dih ding le a inn tiang hmanh a herh ahcun zuar ding tiangin biachahnak a ngei. A inn hi Tuluk phaisa in cun RMB1 million hrawng a si i US dollar in cun $214,935 tluk a si.
A chim rihmi cu a kal pakhat zong hi hluut ding in timhcia a siinak le Doctor te nih a herh an ti ning paoh in cawlcangh aa timhnak kong zong a chim chih. Hi hna pahnih tuanbia cu Tuluk ram nih a bultawlmi media Global Times nih an mah page Weibo ahcun an tarlangh, caption ah tihin an ttial “A Kal Taak Lo, A Lung A Dong Lo, Hi hi A Sunglawi Bikmi Dawtnak Langhtermi Cu A Si Ee” tiah an langhter.
Hi hna nupa hi an karlak i hmuh thiamlonak a um caah kum 2019 ah khan sihnii theihpinak in aa tthenmi an si. An i tthen hnu ah tubantukin a nupi Xie cu kal lei zawtnak faak ngai a ngei, cu zong cu a mit aa piahnak in an theihmi a si. Source: mothership
