Related Articles
Bulgaria miphun Baba Vanga tiah theih a si, Hmailei a ra dingmi kongah, a cang dingmi thil a chim khotu a si. A ra lai dingmi Kum 2022 ah Virus, Tsunami, Alien hna hi an chuak lai tiah chimchungnak a rak ngei cang. Kum 2021 cu kan hung dih ruangmang cang, 2022 ah zeitin dah kan khuasak ning a si lai tiah timhtuahnak a rak ngei cangmi zong tampi an um lai. Cu chungah kan ttih ngaingaimi Corona Virus pin lei ah Baba Vanga pitar nu nih a rak chimchung cangmi hna cu tihin a si.
Baba Vanga, mitcaw hmailei kong chimphuang khotu, Bulgaria ram miphun, pitar nu hi kum 1996 ah khan a rak thi cangmi a si, sinain kum 5079 tiang caah khin zeidah a cang lai tiah chimphuannak a rak ngei cang. Times Now nih a langhter ning ahcun tthenkhat a rak chimphuan cangmi hna zong a tak in a cang taktak. Cu hna lak ah a laar khunmi hna cu Soviet Union itthencheunak te hna, Princess Diana thihnak kongte hna, Tsunami nih 2004 ah Thailand faak taktak in a rak deen lio te hna, Barack Obama US President a tlin lai nak te hna.
“Nostradamus of the Balkans” tiah hi pitar nu hi min an bunh i US ah khuaci mui in a rak tuahtu 9/11 (Binladin nih World Trade Centre an rak kah lio) siseh, Britain itthencheunak (Brexit) te hna zong hi a rak chimchungmi ah a tling taktakmi hna an si. Report nih a langhter ning ahcun hi pitar hi Bulgaria, Vangelia Gushterova, 1911 ah a rak chuakmi a si i kum 12 a si ah thlitu faak ngai nih a mit a rak cawtter, cu thok cun Pathian nih hmailei (future) hmuhkhawhnak laksawng a ka pek tiah a chim. A tu a ra lai dingmi kum 2022 zong ah hin a cang dingmi thil chimchungnak a rak ngei cang.
DNA thawngzamhnak nih a langhter ning ahcun, India rampi ah hin linhsat zat (temperatures) hi 50 degree Celcius (a lin taktak) a phaan lai, cu nih cun khaubok (lucust) an hung chuak lai i ram/lo vialte an hrawh dih lai i mangttam (famnine) tiang zong a chuak lai tiah Baba Vanga nih cun a rak chimchungmi a si. Cun a chim rihmi cu, vawlei cung cities ngan/lian bik hna ah ti (water) harsatnak a chuak lai i ti ruang ahcun pakhat le khat i dohnak zong a chuak lai zeicatiah rili vialte cu an hnawm dih lai tiah a chim tthan.
Cun Times Now nih a langhter ning ahcun ti lian (floods) zong Asian ram tthenkhat ah le Australia ah hin faak taktak in ti lianh a chuak lai tiah a chim rih. Earthquakes le tsunami hna zong a ra lai dingmmi kum ah hin a tam chin lengmang lai i minung a zaa zaa in an thi lai tiah a chim chap. Baba Vanga nih a hmuh tthan rihmi cu ttihnung taktakmi Rai (Virus) zong Sweden i um mi researchers phu nih an hmuhchuah lai a ti. Cu an hmuhchuahnak cu Global Warming hin a si lai tiah hi pitar nih a chim ning cu a si.
Cun a chim rihmi cu Kum 2022 hi cu Virtual Reality an ti cu sullam cu, Video kan zohmi hna khi technology bawmhnak he a tak bantuk in hmuh khawh a si lai, cucu a karh lai, mipi hna nih a hlan nak in video hmai ah cun caan hman deuh a si te lai tiah a chim. A donghnak ah a chim tthan rihmi cu Aliens nih Asteroid a min ah ‘Oumuamua’ tiah auh a si i cucu vawlei cung ah nunnak kawl ve dingin an rak thlah lai tiah a chim. Source: news18
