Related Articles
Kum 24 tluk lawng a si rihmi laamthiam model pakhat nih cun plastic surgery caah ti’n $100,000 a hman cang, a hnuk siseh cun a dangdang zong ah surgery cu aa tuah hna.
Vawlei cung hi a tthangcho chin lengmang bantukin thiamsaang zong an tam chinchin. Laar duh le theihhngalhmi si duh ahcun minung hi a molh in kan molh cang. Laamthiammi (Club Stripper) a si i Canada miphun, kum 24 tluk, a min ah Mary Magdalene a si i plastic surgery hi hmun tam ngai ah aa tuah cangmi a si. A hnuk a lianhter (38J-size), Tawttawk lianter (Brazilian butt lift an ti) pin ah a hmur zong Angelina Jolie hmur bantuk in a lianhter hoi rih.
A luanciami kum 4 chung ah hin, hi nu nih a hnuk hi surgery voi thum aa tuah, hnaar zong aa tuah, voi 15 nak tam a hmur ah sii aa chun rih. Cun tawttawk ttuh (lianhter) zong aa tuah tthan. Surgery a tuahmi dihlak ah hin $100,000 tluk cu a hman/dih. Hi Canada nu nihin surgery aa tuah hlan ahcun a muisam hi a ding tuk lawmmam tiah a rak i ruah.
Mary Magdelene nih cun plastic surgery tuah hi ka pa nih ka sianh hlah hmanhsehlaw ngol kaa tim lo tiah a chim. A hnuk surgery aa tuahmi nih hin a thawchuah ningcang zong a hnursuan ngaingai tiah a chim chap. “Kum 14 ka si ah hin plastic surgery tuah hi ka rak duh cangmi a si. Hi tluk hin kaa tuah lai tibelte a ruat in ka rak ruah ve lo mi a si hmanhsehlaw a tu ahcun ka tuahkelmi thil phun ah acang cang. Lentecelh bantuk phun khi a si cang. A chim ve rihmi cu ka sining (Career kan ti lai cu) hi i dang sehlaw hi tluk lawm mam ka mui i thleng ding cun kaa tuah hnga lo tiah a ti.
Hi thil aa tuahnak ah hin mipi lei zongin tampi an zohning aa dang. Ngakchia pakhat zong nih Mary hi nga (fish) a lo tiah a rak ti bal zeicatiah a hmur a lianh tuk caah khan a si. Tar tthenkhat le bang nih cun amah he naih tuk um an duh lo. Hmanhsehlaw Mary Magdelene nih cun thlalang ka zoh tawn ah hin kaa nuam ngaingai ko pin ah hi ka mui ka thlenmi nih hin chawlehnak ah tampi tthathnemnak a ka pek tiah a chim. Source: fabiosa
