Related Articles
Sagaing ramthen, Kani le Chaung-u ah hmun thianh in a ra mi ralhraang pawl cu KLG PDF nih bomb an puah hna i ralhraang 20 nak tlawm lo an thi.
Sagaing ramthen, Kani peng ah nihin zing in hmunhma thianh ah a ra mi ralhraang le Pyo Saw Htee pawl cu December 12 zing suimilaam 10:30 ah Chiantharsuh khua pawng i KLG PDF nih hmanh mi bomb paruk nih a puah hnawh hna i ralhraang 20 nak tlawm lo an thi kho tiah KLG PDF nih an thanh.
Myaung lei ah thazaang chap ding in thlah mi ralhraang motor cu Chaung-u PDF nih bomb pathum in an puah i ralhraang panga an thi motor zong a rawk dih i atu tiang lamkam ah motor cu an chiah ko tiah Chaung-u PDF nih an thanh. Credit: The Hakha Post
A Dang Relchih: A ho dah kan uhṭanh kun hna hnga: Dothlennak diary 10, Uknak chuhka i lamzawh thok ka hrawng ah Min Ko Naing nih a rak chimmi lak in kaa 2: “Hi hnu zarh khat CDM kan i hneek khawh ah cun a dih cang ko lai…” “Tlangcung hriamtlai phu pawl zong Ruru hranghrang ralkap cozah liahmi thanthling tlang ah i lunghmuih hlah uh…” Chin ramkulh hi CDM a tuahmi an tambiknak a si an ti. CNA, CDF le CNDF pawl zong nih an ngeih chun hriamnam te he ral lian an doh cio.
CDM cawlcanghnak ah siseh, hriamtlai dothlennak ah siseh, Chin miphun hi kan khaap tawk cun ka cawlcang ve ko tiah ka ruah. Asinain, CDM a tuahmi hna lak ah eidin a harmi an tam ngai an ti. Ral lian rual nih an duh caan poh ah Thantlang khua an khangh, Tedim khua ah hringtu nu 2 nau no ngeih lio ah ral lian rual nih an tlaihhrem hna, Mindat ah ral lian rual hmanhmi bom ruang ah zei thei lo ngakchia hna kut ke tlamtling lo le nu le pa ngei lo in an um.
Miphun ralkap nih, “hriamnam ngeihmi nih a chit lo ruang ah zei ti awk a ṭha lo” an ti. A ho dah kan uhṭanh kun hna lai? Hriamnam ngei hleng lo in D-Day a thanhmi NUG cozah maw kan uhṭanh hna lai, hriamnam ngei lo in ral a thomi miphun ralkap dah? Cu a si lo ah, Ral lian rual dohnak khim in kuli man a tho kho lomi miphun hawi dah?
A ho dah kan uhṭanh kun lai? (Mah diriamhnak men ah ka thai. Bialehnak kawl kaa tim ngam lo. Ral lian doh ruang i nunnak a pemi hna le harnak phun kip a tongmi vialte tu cu upatnak ka peek hna). A Ruang 11/12/2021. Catialtu: CungthaPa ARuang
