Related Articles
Hakhalay kan Pitar Pakhat Meithal Kuanhma in a Nunnak a Liam. Nizaan December 29 ah Hakhalay khuachung ah meithal in kah a tongmi Tin Thang Nu (kum 80) cu nihin zinglei ah a hliamhma in a nunnak a liam, tiah thawng kan theih.
Hakhalay khuami pakhat nih, “Nizaan ah khan khuachung ah mi an um lo tiin leng a chuah lio ah an kah. A phei ah meithal kuan nih a khen i thisen tam tuk a chuah caah nihin zinglei ah a nunnak a liam,” tiah a chim. Meithal in kah a tongmi Tin Thang nu hi biakinn chung ah SAC ralhrang nih an erhkhumhmi hna ah aa tel vemi a si.
Biakinn ah an erhkhumhmi hna khuami minung 15 hrawng cu him tein an um hna i, anmahle inn cio zong an hlam kho cang, tiah a cunglei khuami nih The Chin Journal ah a chim chap. Credit: The Chin Journal
A Dang Relchih: BreakingNews : ICC biaceihnak zung le Argentina biaceihnak zung i ca an rak kuatmi konglam, tlaihnak ding nawlchuahmi cohlang lo dingin Min Aung Hlaing nih a thli tein nawl a chuah. Min Aung Hlaing le ralhraang bawi pawl sin i ICC biaceihnak zung le Argentina biaceihnak zung telh in khua dangdang in an rak kuatmi ca, tlaihnak ding nawlchuahmi ca pawl cu cohlan lo dingin Min Aung Hlaing nih ca a chuah.
Ralhraang lubik Min Aung Hlaing i nawl a chuahmi cu Naypyidaw biaceihnak zung ah an kuat cang i biaceihtu Tun Tun Oo zong nih an mah biaceih zung i a ttuanmi lawyer pawl cu khualeng in a ra mi ca pawl cohlang bak lo ding in a thli tein nawl a pek hna tiah theih a si. Lawyer pawl sining in ramleng in a rak lut tawn mi ca DHL telh in a rannak in kuatmi le lam dangdang in kuatmi ca pawl cu cohlan ti lo dingin nawl an chuah.
A tulio Kawlram sining ah Rohingya pawl cungah mithahnak le ralkap nih uknak an laak hnu ah mipi pawl an thahnak kongah Ralhraang lubik Min Aung Hlaing le ralbawi pawl cu biaceih zung ICC le Argentina biaceihnak zung nih sualnak an tuahmi vialte cu a sikhawh chungin hlathlainak an tuah cuahmah lio a si. Credit: Khit Thit Media
