Related Articles
Ralhraang he ikahdohnak ruangah CDM a tuahmi sianginn cachim Depaeyin- PDF ah a lutmi Saya Mya Win cu a nunnak a liam.
A mah hi ralkap uknak duh lo ruangah CDM a tuahmi a si i, December 3 kahdohnak ah a hawile a khamnak hna ah Depayin-PDF chungtel a si mi CDM sianginn cachim Ko Mya Win Ko a nunnak a liam tiah Depae Yin-PDF nih thawng an chuah. CDM cawlcanghnak lawng si loin hriamnaam tlai in ralhraang uknak duh lonak a langhtermi Ko Mya Win Ko cu ram le miphun caah nunnak a pekmi cungah a rian a tlinh.
November 27 thok in ralhraang pawl nih Depae Yin khua chungah vanlawng he an kah hna i ralhraang minung 400 leng khuachungah mipi humhimtu hna he an i kaap tiah Depae Yin-PDF nih thawng an chuah ning cu a si. Source: Khit Thit Media
A Dang Relchih: Nizan December 3 ah khan Chin Baptist Church of USA aiawh in Mizoram ah tlawng lio mi hna nih Lai Autonomous District Council (LADC), Chief Executive Member (CEM) Pu V Zirsanga tonnak an ngei. CBCUSA Hruaitu hna nih hin Pu V Zirsanga cu amah CEM zung ah an va ton i LADC cozah le NGO bu hna nih Myanmar ram buai ruang i LADC ram chung ah aa dor lio mi ralzam an rak donnak le zohkhenhnak hna cung ah lunglawmhnak bia an chimh.
Pu V Zirsanga nih cun Myanmar ram buai ruangah LADC ram chung i ralzam in a lut mi hna thlanglei Lai mi nih an rak don ning le zohkhenh hna ning cu CBCUSA hruaitu hna a chimh hna. LADC cozah zong nih ralzam zohkhenhnak kong ah thazang tampi a chuah rih naklai kong le Myanmar ram buainak cu zei tiang dah a rauh rih lai, a fian lo caah ralzam zohkhenhnak le tawlrelnak kong hi tuaktan deuh i felfai deuh in kalpi a herh kong zong a chimh ve hna.
CBCUSA hruaitu hna nih cun Lawngtlai khuapi cu Lai mi ca ah kan Jerusalem khuapi bantuk a si kong an chim i, LADC cozah cu Laifa vialte bochan mi a si bantuk in nu can pa can cang in dawtnak he ralzam an rak zohkhenhnak vialte cu philh khawh a si ti lai lo kong an chim. CBCUSA hna hi an General Secretary Rev Dr Thlaawr Bawihrin nih a hruai hna i, LADC cozah CEM Pu V Zirsanga hi Executive Member Pu L. Daniela, Executive Member Pu C Hrangthianga, Pu CL Lianzuala Deputy Chairman le Jt. Secretary Pu LZ Tluanga hna nih an telpi ve, tiah thawng kan theih. Credit: The Chin Post
