Related Articles
Model pakhat a si mi nih Tawttawkttuh (butt lift surgery) cu dollar $ 20,000 (Rs 14.8 lakh) tiangte dih in aa tuah nain cu nih cun tthu kho lo tiangin a hnursuan.
Minung kan nunnak ah thil a mak kan timi tampi kan hmuh, kan ton, kan theih cio ttheu hna lai mahbelte phun dangdang cio in an si hna. Tthenkhat hna cu dawh (pumrua tthat) duh ruangah ttihnak pakhat hmanh ngei loin an taksa ah zeithil paoh tuah an ngamh. Tthenkhat a vantthami caah cun surgery an i tuah hnu zongah an tluang ngaingai tawn, hmanhsehlaw tthenkhat hna cu an i tuah dih le cangka awlokchongmi tampi an rak um ve. Tutan zong USA, Florida model, kum 24, a min ah Kazumi Spuirts (min aa bunhning) zong nih Brazilian butt lift (tawttawk ttuh) caah cun $20,000 (Rs 14.8 lakh) tiangte dih in aa tuah ve, hmanhsehlaw a nih cu a vanchia kan ti lai dah, aa tuahkhawh le cangka tthittha (ttha tein) a tthu kho ti lo.
Kan chim cia bang, Kazumi nih hin taksa (body) tthatnak hnga ding caah thil tampi hi ka rak tuah tawn ve, ei/din i suumnak in maw si loah exercise te hna ka tuah lengmang ve ko nain cu nih cun tthatnak a chuahpi lo caah a tubantuk in surgery tuah hi ka biakhiahnak cu a si tiah a ti. Hmur (liposuction), hnuk (boob job), le tawttawk (butt lift) hna hi a tuahmi cu an si i a dihlak ah hin $36,000 a dih ve.
Surgery aa tuahkhawh hnu cun a taksa pumrua cu a ttha lawlaw, hmanhsehlaw a hlan bantukin tthittha in a tthu kho ti lo. India.com nih a chim ning an langhter ning ahcun “tuah dingmi thil hi dir buin ka tuah tawn hna. Ka kalnak kip ah hin BBL pillow (tthutnak chantling) hi kaa ken zungzal zeicatiah rawl ei tti te hna a herh caan ah a ka bawmchanh ngai. Cu ti ka tuah lo i ka tai le ka tawttawk nih hin an tuar tuk a si ahcun a chung i a thau um mi tampi an hloh/thah khawh cu caah a sikhawh le bang ahcun kumpi kumkhat chung hmanh khi tthut loin um ka duh.”
Cu tluk i buainak tampi a tawn hnu hmanh ah, Kazumi nih cun i thlen tthan dingin zeihmanh ruahnak pelpawi te zong ka ngei loh zeicatiah OnlyFans (OnlyFans hi tulio i nu tthenkhat nih phaisa an hmuhnak app a si i kum 18 tang nih hman a ngah lo) in phaisa tamtuk ka hmu tiah a chim. “Ka tawttawk kaa siammi le a dangdang surgery kaa tuahmi hi thil ka tuahmi lakah a ttha bik a si i ngaihchihnak pakhat hmanh ka ngei lo. Kha hlan ah OnlyFans in phaisa tampi ka ngah i tu le bang ahcun a let tam in ka hmu” tiah a chim.
Kazumi nih a chim tthan rihmi cu, ” A hlan ahcun $25,000 hi thlakhat ah ka hmuhmi a si i fans (ttantu) hi 66,000 hrawng an si, a tu ahcun thlakhat ah $200,000 ka hmu kho cang. Nai hrawng le bang cu $1.5 million ka phaan. “ Source: dnaindia. Note: Source ttha tein kan langhter caah lih le hrokhrawl a si loh ti kha nan theih cio kan duh. Phuahcop a si lo i lehmi a si.
