Related Articles
NAWLNAK LE RALRIN PEKNAK Hakha khuathar hlawhtling thlacamnak tlang bo ah, Khrihfa kan hmelchunhnak vailamtah (Cross) cu zumtu hna nih phun a si. Cun a vel chumah thlacamnak inn tete zong an um hna. A zohkhenh tu hna nih tangka tampi dih in le thaba ngaiin an zohkhenh mi a si.
Khika vailamtah a umnak hrawng le hlawhtling thlacamnak area chungah, nuam sulin a ummi ngaknu tlangval (nu le pa) hmuh nan si tawn! Nungak tlangval umnak pangpar duum a si lo, thlacamnak hmun a si ti hi thanh kan in duh hna. BAWIPA Hmai kawlnak hmun le PATHIAN he i hawikomhnak hmun a si. Cucaah thianghlim tein kan hmanpiak hram u.
Hi ca ka thanh hnu, khika thlacamnak tlang le a area chungah, BAWIPA PATHIAN zeiah a rel lo i duh paohin khua a sami cu aho nan va siah, BAWIPA kut nih in ralchanh ko hna seh. KHRIH lamkaltu. Cattialtu: Tluang Lian (Martar)
A Dang Relchih: Thailand le Myanmar ramri hrawngah mizapi kilvengtu ralkap le ralhrang kahdohnak a zual chin lengmang caah Thailand lei ah a zam mi ralzam an karh ngai cang. Thailand ah a lutmi ralzam hna hi Thailand cozah nih phung ning tein cohlan le zohkhenh a um rih lo.
Asinain Dec 24 ah khan Thailand Prime Minister (PM) Prayut Chan-o-cha nih kan ram chungah a rak lutmi Myanmar ralzam hna cu ṭha tein kan zohkhenh hna lai tiah bia a kamh i ralzam hna sinah sii-ai le ei-din pek dingin ṭuanvo ngeitu hna cu nawl a pek cang tiah Bangkok Post nih a ṭial.
Thailand ah a lutmi Myanmar ralzam hna hi 90,000 renglo an si cang. Thailand PM nih ralzam hna ṭha tein zohkhenh dingin bia a kamh ko nain boruak a ṭhat in Myanmar ah kuat ṭhan ding an si caah ralzam umnak hmunhma serchap ding cu PM Prayut nih a onh ti lo tiah theih a si. Cu pinah Myanmar in Thailand ah zeidang harnak le buainak a luh chih lonak dingah PM Prayut nih ralkap cu nawl a pek hna tiah theih a si fawn.
Myanmar ralzam hna ṭha tein zohkhenh ding hi vawleicung hmunkip in zatlangbu hna nih Thailand PM sinah an halmi a si. Cu lawng si loin rammi hna cungah sualnak le ṭhatlonak phunphun a tuahtu ralhrang bu dirkamh ti lo ding zongin an hal chih fawn. Credit: The Chin Post
