Related Articles
Theikawlong hnah in lakphak kan siam mi nih Cancer hrik a thah khawh. Chlolesterol(a fawinak in thauchia kan ngeih zat) kan ngeih zat a ttum ter i zunthlum zawtnak zong tampi a kham. Vawlei cung kip ah a lar mi Tropical thingthei, Theikawlong, hi na theih tukmi a si lai. Hmanhsehlaw a thei nak in a hnah nih hin hlawknak tampi an kan peek ti hi na thei bal cang maw? Ram tampi, a bikin Tropical chung um mi, nih hin ngandamnak caah a hmangmi tampi an um cang. A thei nak in a hnah nih hin hlawknak a kan peek deuh i Joural of Foods and Chemistry, 2007 lio ah research an tuahmi ahcun theikawlong nak in a hnah ah hin antioxidants(Vitamin-C) hi tam deuh hmuh a si.
Asia ram hna ahcun theikawlong a hnah khi tisa ah an ciah i zunthlum caah an din piak tawn hna. A hnah nih hin tampi Vitamin a phurh caah tisa in maw lakphak in maw a hnah kan ciahmi i kan din piakmi nih hin chungthlet, cumpit tibantuk zong tampi a dam ter. Chlolesterol tthumhnak ca zongah a ttha i zunthlum ca zongah a ttha pin ah cancer hrik zong tampi a veen/kham.
Zeitluk in dah theikawlong hnah a tthatnak phun (8) in zoh hna usih.
1. Zunthlum zawtnak tampi a kham: Rawl ei chiar te theikawlong hnah i meh chihnak nih hin zunthlum a ngei mi siseh a ngei lo mi ca tiang zongah ngei khawhnak chungin tampi a veen/kham. Japan pawl nih cun theikawlong hnah nih hin zunthlum lakin i veenhimnak caah theikawlong hnah nih hin tampi ngandamnak lei ah rian a ttuan ko tiah chimfiannak zong an ngei. Japan clinic pakhat nih test nak an ngeih hnu ah theikawlong hnah nih hin zunthlum zawtnak a doh kho tu a um tiah an hmuh i rawl ei khim ka te a hnah ciahmi hang din piak peng ahcun type 2 zuunthlum a ngeimi taksa chung i thisen thlum mi cu a niam ter khawh ti si.
Tubantin lakphak ah kan hmanmi nih a thlummi phun hnih Maltose le Sucrose timi taksa nih a dawp dingmi kha tampi a rak kham. Zarhthum chung, cu ti a hnah cu lakphak ah na telh chih i na siam ahcun tampi zuunthlum a ttum ti na theihkhawh lai i na din ka he cun tampi aa thlau lai. Cun hlathlainak (research) an tuahmi ah type 2 zuunthlum a ngeimi zuu(mouse) ahcun theikawlawng hnah cu an test tikah rian a ttuan ngaingai tiah hmuh a si. Taiwan hna ah cun zuu phunphun sin ah test nak an tuah cio i zunthlum zawtnak i hypoglycemia(thisen chung a thlum mi) timi zong tampi a kham cu tikah theikawlong hnah hi thiamsang hna nih an recommend ngaingai.
2. Cancer Zawtnak Tampi A Kham: Theikawlong hnah, a par, a ci siseh a kung tiang nih hin cancer izohkhenhnak ding caah tthathnemnak tampi a ngei ko tiah hmuh a si. Minung nunak ah hnahnawhnak a pe ngaimi cancer phunphun biana ah pawpi cancer, kal cancer le vun cancer te hna a ngeimi caah ralthuam ttha ngai dingmi pakhat a si i melanoma le leukemia zawtnak ca zongah rian tampi a ttuan tiah hmuh a si. Pin ah theikawlong hnah nih hin cancer hrik a tthang dingmi pawl hi tampi a rak doh khawh hna i a thah khawh hna. Theikawlong hna nih hin si-aii a ttha taktakmi phun hnih an ken chih i cu hna cu Antioxidant (fawinak in Vitamin) cak/tthawng takmi lycopene le flavonoids timi Vitamin an ken chih.
Cawnnak tampi chungah hin cancer zawtnak caah lycopene nih hin cancer khamnak ding caah faak taktakin rian a ttuan an ti cu caah hnuk le kal cancer tibantuk ngeihkhawhnak ding lam a tlawm ter. Kum 2010 ah khan theikawlong hna in kal cancer ngeimi hna sin ah rian a ttuan ning zohfel in si-aii lei thiamsang Scientist hna nih cun minung bakah dothlatnak an tuah i kal cancer chungah a bo/phing tawn mi kha theikawlong hna nih hin tampi a zor ter tiah an hmuh.
3. Virus le Bacteria Tampi A Kham: Theikawlong hnah in lakphak kan siam mi nih hin bacteria dohtu thil cak/tthawng takmi a ngeih. Cawnnak phunphun zongah hi kong hi tampi chimh le cawnpiak an si i khuh le ttangfah tibantuk ca zongah a ttha tuk ti si i a hnah carmi hmanh khi cubantuk tlangrai Virus dohnak ding caah an hman tawn hna pinah Dengue virus damlonak ca zongah a bawmh chih. 1999 kum ah Libratory cawnnak ah hin theikawlong hnah car mi nih cun staphylococcus(vun lei zawtnak) zawtnak lakin tampi a kham khawh. Ei sual nak hi 100/90 hi cu vun lei in a rak lang tawn cu zong ahcun theikawlong hnah hi a ttha taktak ti si.
4. Lung Zawtnak A Kham: Hi theikawlong hnah in siam mi lakphak nih hin LDL Chlolesterol(thauchia kan ti khawh, a san tuk ahcun lung zawtnak le lungphu zawtnak a chuak kho) hna a niamter khawh ti si. A hnah chung i sii-ai um mi pawl nih hin thisen a kal ningcang le kan lung cawlcangh ning kongah tampi rian a ttuan i sining kel tein a niam ter khawh. Theikawlong hnah nih hin thisen chung i a um mi hnawmtaam le a chiami vialte cu a tthumh. Cun theikawlong nih hin ke phing le thisen kai a ngeimi hna caah a ttha taktakmi a si.
Note: Hi ngandamnak kong hi mah pumpak i ruahning le hmuhning in ttial/lehmi a si loh. Chin miphun nih hibantuk ngandamnak lei theihtlai hi a herh tuk ve caah mah le si khawh tawk tein lehchommi a si(copy a tam caah kan lehnak source kan langhter lo). Tthathnemnak an pek a si ahcun SHARE in rak kan bawm veh. Lawmhnak tampi he.
