Related Articles
Sianginn kai duh mi caah theihternak Atu lio kan ram buai ruangah kan naule tam pi cu sianginn kai kho lo in an um hna. An ca cawn caan a lak in a liam nak hnga lo Solomon’s High School nei tu Pu HC Thawng (Vapual Thawng) nih Aizawl um kan naule sianginn kai a duh mi hna caah a lak in a sianginn ah ca cawn khawh nak lam a awn piak hna.
Ca cawn man hi thla khat ah Rs. 1500/- a si. Kan naule (ralzam) hna caah cun a lak in a si lai. Hostel ah um duh mi hna caah cun ei man caah thla khat ah Rs. 5500/- pek a hau lai. Hostel um man tu cu a lak a si lai lo. Mathematic ah harnak a nei mi hna caah hi sianginn hi a tha khun. Hi bantuk in mah zawn ruat lo in miphun le ram caah nun a siang mi Vapual Thawng kan neih hi kan van a ttha tuk.
Kei zong amah sianginn in tanghra a pass ve mi ka si. Hi sianginn in fimnak le thiamnak a chuahpi ve mi pakhat ka si. Cu lak i ka lung hmuih ngai mi pakhat cu Kawl holh telh tuk ti lo in Lai holh te in holh ka cawn nak le thiam hram ka thawk ve nak hmun a si. Fiang deuh in theih hngalh a duh mi caah Phone number – 97746 30781. Credit: Penga Hlawnceu
A Dang Relchih: 10 months of failed coup MAH nih hramhram in uknak lak ai timh le kan dohnak thla 10 khengte kan phan. Mipi nih kan duhlo mi le kan doh mi cu hmual a ngei taktak. Kan mah Mipi zong kan tuar taktak ve. Asi nain mipi nih kan lung kan tthul lo. Kan ttang chinchin, kan tthawng chinchin. SAC le MAH ralhrang ram chung zong ah do an tla lo, ram leng zong ah do an tla lo chin lengmang.
Thla 10 cu minu nau a pawi mi hei si she law nau te a chuak diam ding asi cang. Asi na in MAH nih a hrin duh mi nau hi thla 10 tiang ah ai sem rih lo ti khhawh asi. Zeica tiah political umtu ning ah Coup hi dot 3 in kal pi asi tawn.
1. Control; Rampi mi mipi le political party pawl kha control khawh. 2. Stabilize: Rampi le mipi kha daite in um ter khawh I ram uknak mechanism vialte an mah le an si ning te in rianttuan ter khawh. 3. Implementation of Agenda; mah hi cu uknak a la tu hna nih an duh mi le an itinh mi lohma chuak lak in kalpi kha asi tawn. Asi na in atu MAH le SAC ralhrang nih cun a dotkhat nak asimi Ram mipi control hmanh kha thla 10 hnu tiang ah a tuah kho rih lo. Ram pakhat I a nawl neih nak cu mipi sin ah a um mi asi timi cu tutan ah hin fiangte in kan langhter khawh.
Nizan ah UN General Secretary Special Envoy on Burma office in ttuanvo nei tu hna he ton biaruah nak suimilam 2 renglo biaruah nak kan nei. Cu I an kan chimh mi cu; Atu lio ah ramdang in Burma ram ah Ambassador an rak chiah mi hna ram 8 nih an Ambassador pawl kha an term a dih cang I an ram ah kir in ambassador thar rak thlah ding an si cang. Asi na in cu ram 8 nih cun Ambassador thar an thlah duh lo, zeica tiah ambassador thar rak thlah I MAH le SAC ralhrang sin in ram aiawh tu sinak Ambassador Credential pek kha an duh lo caah asi an ti ( UK nih cun Anbassador a rak thlah na in MAH le SAC ralhrang sin ah Credential a pe duh lo).
UN Special Envoy on Myanmar athar Singapore nu kha atu December thla in a rian a thok ding a si. Chin ralzam le IDP kong zong ah fak ngai in ttan kan la lai an kan ti caah kan hna a ngam. Zalon nak lam kan ithim mi asi. A fawi lai lo ti zong kan theih cia. A har lai ti zong kan theih cia. Kan tem lai, kan tuar lai ti zong kan theih cia asi. Asi na in minung caah a sunglawi bik mi cu zalonnak asi. A sung lawi bik mi asi caah a man a fak bik ve.
Hmanthlak; CNF i CC member Pu Thang Yen (Matupi) CNA/F ah kum 30 renglo dothlannak rian ah fekte in a ttuan mi asi caah CNF nih Revolutionary Medal an pek mi kha an nu nih a ttang ah a benh piak lio an i theilo kar ah hman ka thlak mi hna asi. Credit: Salai Bawi Lian Mang
