Related Articles
CNDF Special Commando Training Limnak an Tuah Nihin December 3 ah CNDF Special Commando Training limnak tluang tein an tuah khawh. NUG runvennak lei vuanci U Ye Mon zong nih CNDF Special Commando Training limnak ah ca a kuat hna.
CNDF Special Commando Training (1/2021) Closing Ceremony cu tuini (December 3, 2021) ah tluangten kan tuah a si. Ministry of Defence – National Unity Government of Myanmar ih Union Minister, U Ye Mon hnen ihsin lungawipinak cakuat khal a hnuailam vekin kan ngah a si.
A Dang Relchih: 10 months of failed coup MAH nih hramhram in uknak lak ai timh le kan dohnak thla 10 khengte kan phan. Mipi nih kan duhlo mi le kan doh mi cu hmual a ngei taktak. Kan mah Mipi zong kan tuar taktak ve. Asi nain mipi nih kan lung kan tthul lo. Kan ttang chinchin, kan tthawng chinchin. SAC le MAH ralhrang ram chung zong ah do an tla lo, ram leng zong ah do an tla lo chin lengmang.
Thla 10 cu minu nau a pawi mi hei si she law nau te a chuak diam ding asi cang. Asi na in MAH nih a hrin duh mi nau hi thla 10 tiang ah ai sem rih lo ti khhawh asi. Zeica tiah political umtu ning ah Coup hi dot 3 in kal pi asi tawn.
1. Control; Rampi mi mipi le political party pawl kha control khawh. 2. Stabilize: Rampi le mipi kha daite in um ter khawh I ram uknak mechanism vialte an mah le an si ning te in rianttuan ter khawh. 3. Implementation of Agenda; mah hi cu uknak a la tu hna nih an duh mi le an itinh mi lohma chuak lak in kalpi kha asi tawn. Asi na in atu MAH le SAC ralhrang nih cun a dotkhat nak asimi Ram mipi control hmanh kha thla 10 hnu tiang ah a tuah kho rih lo. Ram pakhat I a nawl neih nak cu mipi sin ah a um mi asi timi cu tutan ah hin fiangte in kan langhter khawh.
Nizan ah UN General Secretary Special Envoy on Burma office in ttuanvo nei tu hna he ton biaruah nak suimilam 2 renglo biaruah nak kan nei. Cu I an kan chimh mi cu; Atu lio ah ramdang in Burma ram ah Ambassador an rak chiah mi hna ram 8 nih an Ambassador pawl kha an term a dih cang I an ram ah kir in ambassador thar rak thlah ding an si cang. Asi na in cu ram 8 nih cun Ambassador thar an thlah duh lo, zeica tiah ambassador thar rak thlah I MAH le SAC ralhrang sin in ram aiawh tu sinak Ambassador Credential pek kha an duh lo caah asi an ti ( UK nih cun Anbassador a rak thlah na in MAH le SAC ralhrang sin ah Credential a pe duh lo).
UN Special Envoy on Myanmar athar Singapore nu kha atu December thla in a rian a thok ding a si. Chin ralzam le IDP kong zong ah fak ngai in ttan kan la lai an kan ti caah kan hna a ngam. Zalon nak lam kan ithim mi asi. A fawi lai lo ti zong kan theih cia. A har lai ti zong kan theih cia. Kan tem lai, kan tuar lai ti zong kan theih cia asi. Asi na in minung caah a sunglawi bik mi cu zalonnak asi. A sung lawi bik mi asi caah a man a fak bik ve.
Hmanthlak; CNF i CC member Pu Thang Yen (Matupi) CNA/F ah kum 30 renglo dothlannak rian ah fekte in a ttuan mi asi caah CNF nih Revolutionary Medal an pek mi kha an nu nih a ttang ah a benh piak lio an i theilo kar ah hman ka thlak mi hna asi. Credit: Salai Bawi Lian Mang
