Related Articles
Ohio khuasa mipa nih amah a nuei cu khuachia a si a ti caah a hngawng a tan i mei in a khangh.
Lionel Justin Gore, 34, New Matamoras ah a chuakmi, nih Daine Gore ( a nu ei ) a thah caah mithat siinak in daan an tat. Washington County Sheriff Office nih a langhter ning ahcun 911 phone call cu zaanlei suimilam 6:20 p.m hrawng, Nov 6, ahcun a ra tiah The Marietta Times nih report a langhter ning a si. Hi thil a kanghnak hi Diane Gore inn hrawnghrang dawh dang a lo tiah an langhter.
Detective hna nih cun Diane Gore (a nu ei) i a naunu, Stephanie Williams, cu an ton, cu nih a chim mi cu inn ka rak phanh ah hin Lionel Gore cu inn chungin rianrang taktak in a rak chuak i “lam ka kian, nangmah dawh kan thah ve ko lai” tiah a ka ti i mawtaw cu rianrang in aa cit i a choi colh tiah a chim.
A naunu Williams zong cu inn chung mei a kangh ning a fah ca le mei khu a tam caah inn chung zongah a lut kho lo tiah an langhter chap. A uu Diane um nak ahcun kal kaa tim len ko nain mei kangh ning a fah tuk caah a tlamtling kho lo tiah a ti.
Hi lio caan ah hin mithattu Lionel Gore tupa kum 6 minung zong inn ah a rak um ve, cu nih cun Diane Gore i a hngawng cu ka pu nih namte fa mi in a ah i cu hnu ah a lian mi in a ah tthan tiah a chim. Ngakchia pate nih cun inn mei a khangh lio zong ka hmuh i a khu mi a tam tuk caah thawchuah zong kaa harh tuk kaa kual len tiah a chim. Meithat phu pawl cu an rak phaan ve colh i an hmih hnu ah Diane Gore taksa cu inn cung bik ihnak khun ah a rak um ko, a hngawng cu a rak i tan cang tiah an langhter.
Lionel Gore zong cu mawtaw aa chuah colh i Ohio River lei West Virginia pawng hrawng ah a zaam, a zaamnak lam pi ah Palek minung pahnih he an rak i tong cuticun Lionel zong cu an tlaih colh ve.
Detective Sgt. Scott Smeeks nih a chim ning ahcun keimah le Detective Lt. Bryan Lockhart cu Lionel Gore umnak siizung ah cun va zoh ding in kan kal. Bia an hal i a lehning hna cu ti hin a si ” A lu cu ka tan i mei in ka khangh,” tiah a chim, a peh tthan rihmi cu zeiruangah dah ka thah tiah cun Thiang Thlarau nih tuah a ka ti caah a si zeicatiah “khuachia a si a ka ti” ti’n a leh hna. Source: fox13memphis
