Related Articles
KHANGH KHAWH LOMI INN KAN NGEI PATHIAN rian ka țuannak kum 20 a si ve cang. BAWIPA KHRIH JESUH sal ka si i a Lamkaltu rian ka țuan khawh hi PATHIAN nih a ka Zaangfah tuk caah a si! Kum 46 ka si i fa panga; fapa pahnih le fanu pathum ka ngeih hna. Mi inn tang hlang in khua kan sa.
Ka chuahnak Hakha khua ah, Malaysia ka kir hnu in kum 19 ka um ve cang. Salm 90:1 ah, BAWIPA cu kan inn a si a ti bangin, khangh khawh lomi BAWIPA cu ka inn a si i kan chungkhar kan inn a si. Nihin, hmuh khawhmi kan inn hna hi cu mithalo hna nih an kan hrawhpiak in an kan khangh piak khawh. Sihmanhselaw khangh khawh lomi inn BAWIPA KHRIH JESUH kan ngei ti hi philh hna hlah usih.
Kan ram buai ruangah inn le lo khanghpiak a tongmi hna khangh khawh lomi inn BAWIPA KHRIH JESUH nan ngeih kha philh hlah u law, khangh khawhmi, innhmun fate le innchia te hmanh a ngei lomi kan um cio ko hih. Hi te hin rak i hnem chung u law, inn le lo renh țhan caan kan phan țhan te hna lai i Khuaruahhar BAWIPA Thluachuahnak kan hmuh ko hna lai.
Chrismas lunglen thla ahhin, Inn khangh piak a tongmi vialte nih, khangh khawh lomi nan inn BAWIPA KHRIH JESUH ah rak i dor cio u law, nan thlarau nih hnangam daihnak hmu ko seh. BAWIPA KHRIH JESUH nih Vel le Daihnak le Lawmhnak in pe ko hna seh. KHRIH Lamkaltu. Ttialtu: Tluang Lian (Martar)
A Dang Relchih: Mipi lei a ttangmi phu pakhat nih ram buai hnuah ralkap le palik lakah CDM a tuahmi hi 8000 an phaan cang tiah an chim, CDM 8000 chungah ralkap hi 2000 an si i palik hi 6000 an si tiah an tarlangh. Mipi lei ttangmi phu hi CDM ralkap pawl i dirhmi a si i ralkap le palik pawl CDM tuah dingah sikhawh chungin leemsoimi le a lamkip in a rak tolrel piaktu phu pakhat an si.
CDM palik lakin an sinak pawl kha cu cipciar in an tarlangh lem loh, ralkap lakah Bo 3, Bo 2 le Bo 1 tiang an i tel kho tiah an chim. Cu hna lak ah Shan ramkulh i ralkap bo 3 Lin Htet Aung hi CDM ralbawi lakah mipi theih khunmi pakhat a si.
Ralbawi Lin Htet Aung nih cun “Tutan dirhmun ah ralkap hna i ke karhlaan ning, mipi an an tlaih ning hna, mipi cungah an cawlcangh ning, ram chung i an nawlngeih ning tibantuk pawl ah a lung rak tling lo mi tampi an rak um, an chuahkhawhnak ah a dikmi lam an kawl ttheo cio lai tiah ruahchannak kan ngei camcin ko. Tu zongah CDM aa remrel rih lo, zaamnak ding a kawl pengmi minung pum in 100 tluk nih cun an ka chawnh peng ko. Mah cu pin ah mipi lei a ttang nain CDM remcaan lo ruangah ralkap tthenkhat nih cun ralkap chung i biathlithup pawl cu an kan chimhphuan lengmang hna.” tiah a chim.
Mipi lei ttangmi timi phu hi CDM ralkap pawl le NUG cozah hnatlaknak in dirhmi a si i, CDM tuah pawl kawmhnak le biahalnak tibantuk zong an ngei peng. Mahcu hmangin CDM tuah rih lo ralkap le palik pawl lungthlen dingah an sawm lengmang hna. CDM tuah pawl an him khawhnak ding pin ah an herhmi thilri zong an sikhawh chungin an bawmh hna.
US hrambunh CSIS nih cun Myanmar ralkap hi ting 3 le thong 50 hrawng an um tiah an tarlangh i mahcu chungah ralkap 2000 renglo nih CDM an tuah, ram buai hnuah ralkap thi mi zat hi felfai in cazin tuah a um lo pin ah felfai in theih a si loh. Cucu CSIS tarlangh ning a si i Myanamr palik tel loin Myanmar ralkap dirhmun cucu khakha a si rih.
