Related Articles
A tu Video kan rak langhter mipa hi tulio ahcun Mizoram ah a laar ngaingai, Second Benjamin Sum ti tiang hmanh in min an phuah piak. Hi hla a saknak video tawite hi capo lei a si. Stage name kan ti lai cu, cu zong cu Benjamin Tangka ti’n min aa phuah, Benjamin Sum kha Sum si loin “Tangka” tiah a thlen.
Youtube ah an rak thlah i nihnih chungah 65,000 leng pi nih an view colh i comment tete zong 500 leng cuang bak nih comment an peek, a video an zoh hrimhrim ah an i nuam cio, thinlung a dam. Mizo hi cu capo a huam mi an si caah thil ho tete kan timi zong hi mipi a rak nuamh ter ngaingai. A Tanglei ah Video cu zohkhawh a si.
Credit: FTH official(Youtube)
A Dang Relchih: Sagaing Division, Shwebo Township, Myin Sii khua i um mi mino pahnih hna cu ralhraang lei a ttangmi Pyu Saw Htee phu hna nih an kahthah hna. December 11, 2021 zaan suimilam 8:00 hrawngah Maung Moe Kaung le Maung Raza Min Tun cu bike in an i phirh i an rak tlung, lam lai ahcun an khua bawi U Htay Aung le Pyu Saw Htee phu hna nih an rak dir ter hna i an dir duh lo ruangah ti’n an kah thluahmah colh hna i a hmun lila ah an thih hi a si.
Khuami pakhat nih cun “Chan le ruang pakhat hmanh um loin an kahthah hna, mino pahnih hi bike iphirh in an tlun lio a si i an dir lo tiah an kahthah menmen mi hna an si” a ti. Maung Moe Kaung hi kum 17 hrawng minung a si i Maung Raza Min Tun hi kum 21 minung hrawng a si. U Htay Aung le Pyi Saw Htee phu hna nih khuachung ah zaan suimilam 7:00 in cun a hohmanh nan vaakchuak ti lai lo tiah nawl an rak chuah cang hi a si.
“Zaan suimilam 8:00 thokin vahchuah an siang ti lo, zaan suimilam 8:00 hrawngah bike mawng lio mino 2 cu an kahthah hna. Zaan an duty lio he a rak i ton caah an kahthah hna” ti’n thawngpang a theitu pakhat nih media sin ah a chim.
Mithi ruak pahnih cu a zaan lila suimilam 1:00 hrawngah siizung ah an phurh hna i Maung Moe Kaung cu a lu ah an kheen. Maung Raza Min Tun zong a hngawng ah an kahnak hliamhma hmuh a si. U Htay Aung le Pyu Saw Htee phu hna hi zaan fatin ti awk hi zuu an ding i khuachung mipi hna cu an hrocer tawn hna pin ah meithal zong an puah tawn lengmang.
