Related Articles
Sagaing ramthen, Salinkyi Peng, Dungtaw khuami minung 11 cu December 7 zing suimilaam 8:00 hrawng ah ralhraang pawl nih an hnulei kuttem bu in, mei khangh in an thah hna tiah tualchung mi nih Yangon Khit Thit Media ah an chim. “Ralhraang pawl hi zing suimilaam 8:00 hrawng ah Shwetaungkung in an rak tum. Khua khat hnu khua khat in an lut i thilri an hrawh dih. Pintayah khualu ah khuami pakhat an thah.
Khua dang lei kal an i tim i hlei cung an um lio ah bomb a puah caah ralhraang nih pawngkam khua pawl hriamngan in an kah. Dungtaw khua an luh hnawh hna. Khuami 11 an tlaih hna, an hnulei ah an kut an tem hna i an nun bu in mei in an khangh hna. Dungtaw khua mi an si lai zumh a um bik. Khua in an chuak i Layngyin taung ah umhmun an khuar. Khuami an zaam dih cang” tiah tualchung mi pakhat nih Yangon Khit Thit Media ah a chim.
Salinkyi peng i khuami pakhat zong nih, ralhraang pawl nih khuami minung 11 an nun bu in an hnulei kut tem he mei in an khangh hna i an aihram thawng ka theih nain ka bawm kho hna lo tiah Yangon Khit Thit Media ah chim. Credit: The Hakha Post
VIDEO: KTM
Thawng Dang Relchih: US Dollar Billion 150 Pek Dingin Rohingya Nih Facebook Taza An Cuai Rohingya miphun cungah sersatnak huatnak le thahnawnnak a tlung mi vialte hi Facebook cahmai i Rohingya miphun huatnak bia an ṭialmi ruangah a si. Cucu Facebook nih a control duh lo caah a si. Cucaah US dollar billion 150 pek dingin Rohingya nih Facebook company cu taza an cuainak a si tiah US, Washington DC hrambunh The Hill thawngthanhnak nih a ṭial.
US a ummi Rohingya hna nih San Francisco biaceihzung le UK a ummi Rohingya hna nih UK biaceihzung hna ah facebook company tazacuainak ca cu Dec 6 ah an chiah. Tazacuainak ca chungah cun “Facebook ah huatnak bia, thleidannak bia le thawngpang diklo hna an ṭialmi ruangah Rohingya miphun hna cungah harnak tampi a tlunter” tiah an langhter.
Hi kong he pehtlai in Facebook company lei nih zeihmanh lehnak bia an chim rih lo. Kum 2017, Rakhine ramkulh i Rohingya miphun cungah ralhrang nih an tuahmi sersatnak le thahnawnnak kong cu International Criminal Court (ICC) nih hlathlai hram a thawk cang tiah RFA nih a ṭial. Cun Rohingya miphun nih Argentina biaceihzungah Myanmar ralhrang bu taza an cuaimi hna zong cohlan piak an si cang tiah theih a si. Credit: The Chin Post
