Related Articles
Mindat khua kahdohnak ah CDF-Mindat pasalttha minung (1) a nunnak a liam. Hriamnam ngan in an kah hna caah minung inn le sizung pawl a rawk tiah an chim.
Mindat Myone, Shitmwe khua ah nizaan December 26th CDF-Mindat le ralhraang karlak ah kahdohnak faak ngai a chuak i CDF-Mindat pasalttha pakhat a nunnak a liam tiah Mindat Myone mipi runveennak lei nih thawng an chuah. December 17th in kahdohnak aa thok i ralhraang pawl nih Mindat khua chungah hmun hnih in an kah hna i CDF he kahdohnak a chuah lengmang hnu ah ralhraang in minung pasarih (7) nunnak a liam i hliamhma a tuarmi zong an um tiah theih a si.
A tubantuk khuachung kahdohnak a chuah lio ah hin khuami pawl ar le vok an thah hna i ralhraang nih cuticun an eipiak hna. Minung inn le sizung pawl hna zong hriamnam ngan in an kah hna caah a rawkmi a tam. Kum 12 ngakchia pakhat he telh in a dang khuami pawl zong ralhraang pawl nih an tlaih hna tiah Mindat khua mipi runveennak nih thawng an thanh.
December 24th Mindat khua chungah kahdohnak a chuak i ralhraang lei in an bawi pakhat le a kuttang pakhat an nunnak a liam i CDF-Mindat lei in minung pahnih hriamnam chuh an tong. Ref: Zalen
A Dang Relchih: Nobel Peace Prize Winner Archbishop Desmond Tutu A Thi South Africa mi, Nobel Peace Prize zong a cotu Archbishop Desmond Tutu cu nizan December 26, 2021 ah khan Cape Townown Khuapi ah Cancer zawtnak in a thi. A thih ah hin Archbishop Desmond Tutu hi kum 90 mi a si. Desmond Tutu hi kum 1980 lio hrawng ah Africa ram cheukhat mirang uknak tang an um lio ah vun rang le vun nak pumkhattertu a rak si.
South Africa ram ah zatlang nun a sersiamnak le mirang uknak tha lo a dohnak kong ah Nelson Mandela bantuk in an upat mi pakhat a si. Kum 1984 ah khan vun raang le vun nak i thleidannak a tlau khawh nakhnga rian a tuan caah Nobel Peace Prize an rak pek. Vawleicung ram hruaitu hna nih Desmond Tutu thihnak ah an uinak kong an chim hna i, India Prime Minister Narendra Modi zong nih a uputnak le a uinak kong a chim ve. “Vawleicung minung relcawklo ca ah arfi bantuk in hruaitu ceu a si i, minung le minung i upatnak a um khawh nakhnga le tlukruannak a um khawh nakhnga rian a tuan caah vawlei nih a philh ti lai lo,” tiah Narendra Modi nih a chim.
