Related Articles
Ralhraang pawl kahdoh hram kan thok cang lai tiah Burma Army nih thawng an chuah cang. Burmese Peoples Liberation Army nih cun hriamnam rinhchanh in nawlngeihnak latu ralhraang pawl cu kah hram kan thok cang hna lai tiah January 4 ah mipi theihternak an tuah i an itimhmi pawl zong an tarlangh chih.
Burma Army nih cun “Ralhraang pawl doh dingah timhtuahnak kan ngeihmi vialte cu ttuan le hmalak hram kan thok cang lai. Cu ahcun ralhraang uknak dih dingin, mipi an dehcawhnak hna dih dingin, miphun lian in miphun hme uk duhnak dih dingin, tlukrual tein uknak um dingin, Federal Democracy uknak um dingin le minug covo umnak uknak um ding in rampi thar kan dirh lai. Federal uknak kan dirh tikah Bama ramkulh um dingin, mipi nih zalennak le himnak humhim dingin karhlan hram kan thok cang lai” tiah ca an chuah.
Burma Army (BPLA) hi Kawl ralhraang nih rampi nawlngeihnak an laak hnu April 17, 2021 ah tlangcung hriamtlai hna bawmhnak in dirchuahmi a si i sikhawh chungin raldoh an cawn hnu le heh tiah hriamnam an kawl hnu ah ralhraang doh dingin cathanh an tuah hi a si.
A Dang Relchih: Kum 2021 Ah KNLA-Ralhrang Kahdohnak 2692 A Chuak; Ralhrang Tamlak An Thi! KNU brigade 5 hmunhma Mutraw (မူတြော်) Phapun pengkomh ah, 2021 kum chung ah ralhrang phu le KNLA kar kahdohnak voi 2,692 a chuak. Cu kahdohnak chung ah cun ralhrang phu lei in minung 1,364 an thi, ralhrang minung 1,313 nih hliamhma an tuar. KNLA lei minung 30 an nunnak a liam ve i ralkap 105 nih hliamhma an tuar, tiah KNU Mutraw (မူတြော်) thawngzamhnak nih cathanh an chuah.
Min Awng Hlaing hruaimi ralhrang phu nih nawlngeihnak an laak ni February 1, 2021 in December thla chung tiang kahdohnak a chuak mi cazin chung in laak mi ah, ralhrang phu lei byu-ha-hmu 1, tat-yin-hmu 3, tat-khuai-hmu 14, duh-tat-khuai-hmu 1, bu-gyi 1, tat-kyait 1 le duh-tat-kyait 1 hna cu KNLA he kahdohnak ah an thi, tiah theih a si. Kayin ralkap KNLA brigade 5, battalion tat-khuai lei in tat-khuai-hmu 1, duh-khuai-hmu 1, bu-2, tat-kyait-gyi 2 le tat-kyait 3 telh in minung 30 nih ram le miphun ca ah nunnak an pek, tiah Mutraw (မူတြော်) thawngzamhnak nih a langhter.
Nawlngeihnak latu ralhrang phu hna nih Phapun(ဖာပွန်) pengkomh chung mizapi umnak riantuannak le, an inn an lo, dum chung ah hriamngan in voi 2000 leng an kah hna caah sualnak ngei lo minung 12 nunnak a liam i minung 42 nih hliamhma an tuar, tiah theih a si. A luancia thla 11 chung kahdohnak ah ralhrang phu motor 47 cu KNLA nih an hrawh khawh I, an riahcaw a phortu rang le Laa 80 cu an thi, tiah cu thawngzamhnak nih cun a langhter chih. Credit: The Chin Post
