Related Articles
Amah le mah hi lungkua chung khuasapa ‘caveman’ tiah aa ti. Amah hi Thailand miphun a si i a min ah Jatuphum Losiri, kum 47 hrawng a si, khualtlawng (tourist kan ti lai cu) pawl nungak dawhdawh hna he Thai island timi hmunhma ah a ihpi tawn hna nak hmanthlak pawl cu online chungah a taar ciammam i Jatuphum cu a hung laar taktak.
Lothario Jatuphum Losiri nih cun nungak dawhdawh hna cu lungkua a um nak ihkhun cungah taklawng he an ih lio hmanthlak pawl cu Facebook ah a taar tawn hna i zaan ah nuva siinak caan kan hmang tti tawn hna tiah catlang a langhter tawn. Hi kum 47 tluk upa a si cangmi pa nih cun Russia nungak dawh taktak pakhat zong mehhaang zuarnak dawr pakhat ah kan i tong i tlawmpal bia kan i ruah hnu ah cuticun ka umnak hmun ah ka ihpi tiah a chim. Hmanhsehlaw tthenkhat hna nih hi ti nungak a ihpi nak hna le a soilemnak hna cu an zumh lo caah palik nih hlathlainak tuah dingin report an rak tuah, Full Moon Party timi cu Koh Phangon rili kam ah tuah a si i cu lio ahcun a umnak hmun/inn zong palik nih cun an rak hlathlai.
A umning le thil tuahning hi a hmaan lo tiah soiselnak cu online kip ah a tam lengluang ko nain hlaihlainak an tuahnak ahcun thilsual a tuahnak tette zeihmanh hmuhkhawh a si hlei lo. Chatupoom nih hin nungak dawhdawh taktak pawl chawnhbiaknak ah aa hman tawnmi biafang cu kei cu ‘Thai Caveman’ ka si tihi a si. Nungak dawh taktak taklawng i an ih lio hmanthlak a rak post tan ahcun a caption ah “ka tha baa tuk nain coffee din le meditate tuah dingin ka tho hramhram” tiah caption zong a rak taar bal. Hibantuk thil le umtuning nih pawngkap mipi hna zong umtu thiam lo in a tuah hna i online chung zongin soiselnak tete zong aa huah ngaingai.
A umnak lungkua chung ah cun aa kalpi tawn hna i taklawng an ih lio hmanthlak tete cu online ah a phozaar tawn hna i cuticun palik zong nih a umnak lungkua chung zong hlathlainak an rak tuah phahnak zong hi a si, hmanhsehlaw a sualnak belte zeihmanh an hmu kho ve lo nain palik nih cun hi hnu hmailei zongah a sining hi dothlat le hlathlai khawh kan i zuam rih lai tiah an chim.
