Related Articles
Sual duhnak-nuva siinak tuah duhnak lungput (lust) hi ttihnung bikmi sualnak phun sarih (seven deadly sins-hi chungah hin a phunphun sualnak a um) chung ah hin sual ttihnung/ttha lo bik cu a si hlei lo tiah Pope Francis nih a langhter. Private vanlawng in Pope Francis cu Greece in Italy kal dingah aa thawh, cu ah cun Catholic Biaknak ah a lubik a si mi nih tihin a chim, nuva sii hlan ah sex tuahnak nak in a ttha lo deuhmi thil tampi an um tiah reuters nih cun report an pek.
“Taksa i kan sualnak hi cu cutluk piin thil biapi a si lem loh” tiah kum 84 a si cangmi Biaknak lei lubik nih cun a chim. Cu nak in ttih a nung deuhmi le a sual deuhmi cu uahnak/mihnahchuah le mi huat ngeih hi a si deuh tiah a langhter. Hi kong a chim mi ah hin, Paris archbishop nih idinhnak ca a thehluh ruangah, cu he pehtlai in a chim mi a si. Catholic biaknak ah lutlai pakhat a si vemi French cleric, Michel Aupetit, kum 70 upa, nih cun nu pakhat he iduhdawtnak (relationship) an ngei tiah thawngpang a leng i, cu ruang ahcun Apetit nih dinhnak ca a thehluh hi a si. Ammahbelte Aupetit nih cun cu thawngpang a lengmi cu a dik lomi a si tiah a langhter ve.
“Nawlbia pahra chungah a 6th nak cu a zul/tlinh kho lo hmanhsehlaw a dihlak cun a si hraw lo, a hnuzul nu pakhat he zeimaw thil hmete ruangah hi ti thangchiat le mawhphurh a ton hi a si” tiah Francis nih cun Aupetit thil tuahmi kong he pehtlai cun a chim. “Sualnak a tuahmi te cu a um ko hmanhsehlaw cucu a ttha lo bikmi sualnak a si lem lo” tiah a pehchap. Pope nih cun Aupetit i dinhnak ca a thehluhmi cu lungtling tein a cohlan, a sual ruangah si loin thawngpang a lengmi nih mipi thinlung a hrawh tuk caah a si ti’n an langhter. “Sualphawt cu a si nain mizei nih dah sual an phawt? Mipi ruahnak le thawngpang nih sual a phawt, cu caah lutlai siinak in aa din.” tiah Francis nih cun thawnglaatu sin ah a chim.
Aupetit zong nih kan fahter hna a si sual ahcun nan ka ngaihthiamnak lai kan nawl hna tiah ngaihthiam nawlnak a tuah colh ve. “Ka fahtermi nan um sual a si ahcun nan ngaihthiamnak kan hal hna, hi ti ka cung i thil an tuahmi nih kei zong tampi a ka buaiter, Khrih nih a kan cawnpiak bantuk in ka cungah thil ttha lo tlung seh ti a duhmi caah thla kan campiak hna” tiah statement a chuah. Source: nypost. Note: Mah hihi Biaknak lei a si caah catialtu nih a duh paoh in, a ruahning paoh in le a lungthin um ning paoh in a ttialmi a si lo i, Source kan rak langhter bantuk tein mah le sikhawh tawk tein kan rak lehmi tu a si.
