Related Articles
Movie Kan Hmuh Zoh Mi le A Tak Raldoh Cu Ai Dang Tuk Teh. Thantlang ralhrang khi ziah nan thah khawh viar hna lo. Minung 70 hrawng lawng a si nan ti ko tung ti a fawi te.
A tu um mi khi that viar hmanh hna sehlaw a thaizing ah a tu a ummi nak let tam in Helicopter in a rak hlonh chap hna lai. An mah kan thah khawh hna ahcun kan tai lai ti cu fawi tuk in ruah lo ding. Thantlang khua hi Kawl ralkap nih Chin miphun lentecelhnak an kan hman mi pakhat a si hi philh bak hna hlah usih. CNA le CDF hi rak um hna hlah sehlaw kuliphurh tlaih khih khuate khuabawi hrem le nu tlaihhrem cozah riantuan tlaih a tamtuk lai ning hi chim ngam lei a si lo.
Vanchiatnak le sungh zatlak nak kan ton lio zong ah Chin ramkulh dih lak ti awk ah ralhrang an cawlcangh ngam lo mi hi kan Miphun hna ralkap thawng a si ti hi philh bak hna hlah usih. Thantlang a kangh caan poah ah mah le umnak kam Uico pawl kha CDF nih rak kah ve len awk si nain ti cu ka chim naisai lai lo. Credit: Tler Lung. VIDEO hi hmet law Thantlang inn kanghnak dron in an zeih lio zohkhawh a si.
A Dang Relchih: NGANDAMNAK “Mirum ngai ngandam lomi sinak cun, Sifak ngandam mi si a nuam deuh” a si lo ah “Rumnak nak in dam nak a ṭha deuh” tiah phungthlukbia a um.
Na thil na thlau tikah na zeihmanh na thlau rih lo, na ngandamnak na thlau ahcun zei maw thlau na si., na ziaza na thlau ahcun na zeizong in na thlau dih,” tiah mirang nih an ti. Cucaah cun, dam nak cu chawva nak cun biapi deuh hrimhrim in an ruah ti cu fiang tein kan theih ko. Nuva ṭha nih cun zei hlan te cemnak in ngandamnak hi an ruat bik tawn. Mifim le a ṭhangchomi ram ah cun an tangka lutmi zakhat chungah hleiruk (16%) cu si cawknak ding le ngandamnak caah an chiah hrimhrim. Kan nih zong hi bantukhi Sepcial in ngandamnak lei ah kan ruah awk a si ve.
1996 kum ah khan, Yangon University Psychology Department nih siangngakchia 466 bia an hal hna. Hi an bia halnak cu ngandamnak he peh tlai in, chawnh khawh zawtnak a ngeimi cu zeiti sihmanh ah ka ṭhi kho bal hnga lo, tiah an dih lak ti awk in an leh. Aa dawh nain, nu le pa lungtling na in, na duh ngaingaimi a si ko nain mi ngandam lo mi siseh law teh na ṭhit ko hnga maw? ti bia halnak zong hi, ṭhi bal hei hlah, tiah an leh ṭhianṭhiam hna. University ca cawng pawl cu kan ramchungah a fim a thiam bikmi an si i, mah hna nih hin ngandam lomi cu an duh hrimhrim lo tikah, ngandamlonak hi duh awk tlak lo taktak a si, a si lo ah, ngandamnak cu biapi ngaingai a sinak kan hmuh khawh.
Mifim le a ṭhangcho mi ram ahcun nu le va hna nih an i ṭhitum hlan in sibawi sinah an kal i, an ngandam nak kha an i hneksak i an i zoh ter tawn. Zeidang kong lam zong si lo in, Fa a ngei kho hnga ding le a ngei kho lo hnga ding zong ṭha tein Sibawi te ruahnak an hal hmasa ahcun a ṭha bik. Zeicahtiah nu le va aa daw ngaingai mi zong fa ngeih khawhlo ruangah an i siang thluahmah lo nain an i ṭhen tawn. Chungkhar kan hung si tikah kan ngan a dam lo ahcun, rian kan ṭuan kho ti lo, Si cawknak tangka tampi a dih hleiah kan innchung le zong rian kan ṭuan ter thiam hna lo caah chungkhar khuasaknak hna a hnawh ngaingai.
Pakhat nu cu Dr. Billy Graham sin ah a ra i “ka va hi ṭihnung miphun zawtnak chonhkhawhmi phun a ngeih caah ka ṭhen ah a ṭha hnga maw? tiah a ra hal. Billy Graham nih “leh nan i thah lio i, zawt nak ah siseh, dam nak ah siseh thihnak nih a kan ṭhen hlan tiang na nupi si awk ah bia ka kam, na timi kha na philh cang hlah maw?” tiah a leh. A lehnak hi a ṭha ngaingai ko nain ka ṭial duhmi cu, zawtnak ruangah hin nu le va ṭhen duhnak lungthin tiang in a chuak kho ti hi a si. Khrihfa Ethies kan zoh ahcun zawtnak ṭihnungmi kongah nu le va ṭhen khawh a sinak kan hmuh ve ko. Cu caah cun ngandamnak cu ralring tein kan ruah awk a si.
“Kan dam lo ahcun nunnak caan vialte hi thihcuahmah bantuk a si” tiah phungthlukbia a um. Mi dam lo mi cu, rizai nemnem cungah kadiba le pu puan nemnem hmanh phah piak hna u sih, Lam pawng i rawl hal in a vakmi hna hmanh nih mit kuh thaw hliahmah tein an i hngailh hluahmah lio ah, a nih cu chungsenvang in a khup le a thal a let lengmang lai. Sui hrai le Sui pakan hmanh in rawl thaw bik hmanh hunh usihlaw pawkhim tein a ei kho bal lai lo. Cu caah cun chungkhar chungtel a hmebik in a tarbik taing ngandam tein kan um khawhnak ding cu a hmasa bik in kan ruah awk a si. Credit: Lianhakha
