Related Articles
Tuksapur in a fale rual cu a mithmuh ah an rak thah piak hna i, cu a thattu hna chungah ralhraang pakhat cu local-People Defence Force (PDF) nih an tlaih, cu ah cun thah a tongmi ngakchia hna i hringtu an nu nih cun ralhraang an tlaihmi pa cu thinhung ngai le ngaihchia ngai in a bengh i biakaa zong in a ti chih.
Nu nih cun voitam ngaite an tlaihmi ralhraang pa cu a hmai ah phanat he a tuk chih len, PDF (People Defence Force) lei zong nih a tuahto ning cu zeitihmanh in an sica lem ve lo i a forh tuin an forh chih. Nu nih cun “Mihrut ah maw na kan rel, na chim mi bia hna hi kan zumh lai tiah maw na ruah? Kan mithmuh ah kan fale nan thah hna. Kan fale hi thah nan tim tthan ti hna maw? Duhlonak langhter zong hi dai tein kan tuah ko nain kan mithmuh ah kan fale nan thah bak ko hna” tiah aw-hraang ngai in nu nih cun a ti chih.
An tlaihmi ralhraang pa nih cun nan lei ttang dingin ka sikhawh chungin kaa zuam ve cang ko lai tiah a ti hna nain nu pakhat nih cun a tu ahcun zeidah na tuah khawh ti hlei? A hlankan tein ziah ralhraang khan na rak chuah ko lo? tiah a leh ve. Hi thawngpang hi Chindwin in laakmi a si i khoi ka hmun ah dah hi thil hi a can timi zeihmanh kan fiang kho lo tiah an langhter. A tang ah hin Video zong zohkhawh chih a si lai.
