Related Articles
Aa tthium kaa mite nu va hna cu nizaan February 16 2022, zaan suimilam 8:oo PM hrawngah khan Kachin State ah an kahthah hna tiah Chindwin News Agency nih a langhter.
Hi aa tthium kaa mite nuva hna hi, an tthitumhnak hmanh thlakhat fai te lawng a si rih, an umnak khua Phatmaceo, PutaO Myone, Kachin State ah a si i. Ralhraang pawl nih meithal le hriamnam dangdang in khuami minung hna le khuachung paohpaoh cu an kah thluahmah tikah an tli an zaam cio hna. Cu ah cun hi hna nuva zong cu an kahthah hna tiah thawng theih ning a si.
A nunnak a liammi hna nuva hi kum 20 tluk hrawng minung an si i, an zaam ah hin motorcycle he a si hmanhsehlaw lamthlang ah ril lak in an kah hna. Hi thawngpang hi an pu a simi pakhat nih Kachin News pakhat ah a chim.
A Dang Relchih: Nu le pa innchungkhar a zohkhenhtu, a cawmkengtu bik mino kum 21 tluk te lawng a si rihmi Zaw Zin Min cu ralhraang nih meithal in voi 20 nak tam an kah i a nunnak a liam tiah thawng theih a si. Hi tlangvalpa tleirawl te hi nu le pa nih bochan taktakmi le chungkhar a cawmkengtu bik a si i, hi ti kahthah a tonnak zong hi lo/ram kalnak in a ttinnak ah tubantuk in ralhraang nih an kah hi a si tiah Chindwin News Agency nih a langhter. Nuabankyi khua ah hin chungkhar nih zohkhenhmi facang hmun hmete an ngei i Shan State chung ah a si. Cu facang hmun in a ttin pah ah ralhraang nih kuangfang voi 20 tiang hmang in an kahthah hi a si i, hi thil a can hi 14 February 2022 ah khan a si.
Kawl ralhraang pawl nih mino tleirawl minung pahnih an tlaih chapmi hna zong an um, kum 18 le kum 20 hrawnghraang minung si dawh an si. Cu an tlaihmi hna mino zong cu Nuabankyi khua lila ah a si. Hi an kahthahmi pa mino tleirawi te hi chungkhar zohkhenhnak ding caah ti’n rian hraang hi Kayah peng chungah ihlawh in a ttuan cangmi a si, kum 16 a si in rian a ttuan cang cuticun chungkhar a zohkhenh tawn hna tiah tualchung media nih an langhter.
