Related Articles
Kyapasat tlang kahdohnak ah mipi hriamtlai pakhat nih a nunnak a pek Moebye khua pawng, Kyapasat tlang ah raltu dingin a raami ralhrang phu le Moebye PDF cu February 19 chun in zaanlei tiang an i kap tiah theih a si. Ralhrang nih hriamngan tamtuk in an kah hna tiah theih a si fawn.
Ralhrang lei in a thimi le aa hliammi an um nain pa zeizah an si bel a fiang in theih a si lo. Mipi inn le lo hrawktu, sualnak ngei lomi mipi kha ral bantukin a zohtu ralhrang doh lioah ‘Kyapasat tlang kahdohnak’ ah mipi hriamtlai pakhat nih a nunnak a pek tiah Moebye PDF sin in thawng kan theih. Credit: TCP
A Dang Relchih: ASEAN Palai Le NUG Ton Ding SAC Ralhrang Nih A Duh Lo. National Unity Government (NUG) Palai pawl le ASEAN Palai hna ton ding i ASEAN ram cheukhat nih an forh fialmi cu ASEAN zulhphung buarnak a si, tiah SAC ralhrang Foreign Ministry zung nih nizaan February 20 ah a thanh. CRPH le NUG hna cu ralhrang an si, tiah SAC ralhrang nih thanh ciami a si caah hi hna he vai ton le vai chawnhbiak cu ASEAN zulhphung buar a si pin ah ASEAN nih ai hmaithlak mi remdaihnak lam caah dawnkhantu a si kho, tiah SAC ralhrang nihcun a thanh.
SAC ralhrang zong cu NUG nih ralhrang an si, tiah a thanh ve. Combodia Foreign Minister Prak Sikhonn cu ASEAN Palai dirhmun in March thla ah Kawlram ah a ra lai i SAC lutlai cheukhat hna he tonnak an ngei lai, tiah theih a si. ASEAN Palai Myanmar a tlawn tik ah SAC he lawng tonnak ngei lo in NUG he zong tonnak an ngeih awk a si, tiah Malaysia Foreign minister nih ASEAN Foreign minister tonnak ah biatung a rak chuahnpi.
ASEAN nih SAC he tonnak le pehtlaihnak an ngeih mi hi SAC ralhrangbu an dirkamh bantuk a si caah pehtlaihnak le tonnak ngeih lo ding in Human Rights phu hna le NUG nih an soisel. ASEAN le Myanmar hnatlaknak biatung 5 hna cu SAC ralhrang nih an zulh khawh lo caah naite i tuahmi ASEAN Foreign Minister tonnak zong ah SAC Foreign minister ai tel kho lo. Hi nih hin SAC ralhrang cung ah ASEAN ram pawl zong an lung a dong ngai, tiah a langhter. Credit: The Chin Post
