Related Articles
“Inn 94 an khangh chap. 94 more houses burned in Thantlang Ralkap nih hramhram in nawlngeihnak an lak kum khat a tlin 2022 February 1 – ni 365 thengte ah inn 94 an khangh chap. A dihlak in Ralkap nih September thawk in an khanghmi Inn 928 a si cang tiah CHRO nih hmanthlak he a thanh.” tiah The Chinland Post nih tuan ah a rak langhter.
Hmanhsehlaw The Independent Post te hna nih cun tuhi ralhraang Thantlang inn 942 an khangh cang tiah nihin February 2, ah a langhter. A sullam cu ralhraang nih Thantlang cu an khanghchap tinak a si. The Independent Post nih cun Video he tihin a langhter “Thantlang Khua Cu Ralhrang Kut In Inn 942 Leng Aa Kaang Cang” ti’n an langhter ning cu a si. Cucaah biatak tein miphun pi teinak taktak kan hmuhnak hnga thlacam zungzal ko hna usih. Thlacamnak dah ti lo ruahchannak a tlawm cang.
A tanglei ah a kangh cuahmah lio video te TIP nih an rak thlahmi cu zohkhawh a si lai. Mipi hna zong hibantuk thawngpang kan theih tikah lungdong lo tein hmunkhat teah lungrual tein hmai kan nawrnak le kan thazaangtu si hram seh. A nung Pathian sin ah thlacamtu daithlang hna hlah usih.
