Related Articles
Russia nih Ukraine cu bomb in an kah cang tiah Ukraine president nih fianternak a tuah. Bomb puah thawng cu Ukraine ramchung capital a simmi Kiev khuapi hrawng ah a si tiah kan theih.
A voikhatnak bomb puah thawng hi Ukraine ramchung capital Kiev ah theih a si i February 24 zinglei suimilam 10 AM hrawng in aa thok tiah an langhter. Hi thawngpang cu Ukraine President a simi Zalanski nih fianternak a tuah cang tiah thawnglatu nih an chim. President i a chim ning ahcun Russia nih hin sehzung tibantuk le ramri a hngaktu pawl hi aa tinh deuhmi cu a si i, amahbelte khoi ka hmun zawn ciah ah dah an kah hnga tibel fiang tein theih a si rih lo. BBC nih a langhter ning ahcun puah thawng cu lam naih tein theih a si cuticun voi tam ngaite bomb puah thawng cu aa peh. Asinain khuachung ah cun a si lai lo tiah zumhnak a um tiah a langhter.
Khit Thit Media zong nih a langhter ve tthiamtthiam, tihin a langhter “Russia nih Ukraine a kah cang pin ah Russia president a simi Putin zong nih kahdohnak cu nihin ah phuan cang tiah a langhter fawn. Kaphnih in bomb ikah thawng cu theih khawh a si. Ukraine cozah zong nih a langhter ning ahcun kahdohnak faak tuk a chuah caah a tuhi Ukraine mipi hna cu ralzaam dirhmun ah an um cuahmah lio a si” tiah Khit Thit nih cun a langhter ve.
