Related Articles
Min Aung Hlaing le a kut tang pawl nih tlangcung hriamtlai phu pawl he remdaihnak ser dingin sawmnak a tuahmi kong he pehtlai in kan Chin ralkap CNF biachimnak nawl ngeitu Pu Htet Ni nih cun kan kai lai lo tiah a chim pin ah hriamtlai phu paohpaoh zong kai lo dingin forhfialnak a tuah. Hi kan dothlennak hi kan i fian ding bak a si i uknak dik loin a latu Min Aung Hlaing he biaruah tti cu mi zeihmanh nih kan doh awk a si tiah a chim.
Ralhraang lei nih remdaihnak kong ceih ding in sawm mi ah CNF cu kan kai lai lo, mipi lei ah a dirmi ralkap vial te kai bak lo ding in CNF biachimnak nawl a ngeimi Salai Htet Ni nih a chim. Ralhrang lei nih an chuah mi 2008 ram uknak cu CNF/CNA si nak in kan cohlang bak lo i ram uknak a hmaan lo ning in a la tu Min Aung Hlaing uknak ralhraang pawl he biaruahnak kan ngei lai lo tiah CNF biachimnak nawlngeimi Salai Htet Ni nih a chim. Mipi lei i a dirmi ralkap vial te mah ralhraang pawl nih sawm mi remdaihnak kong ceih ding ah hin hohmanh kal bak lo ding in Salai Htet Ni nih a chim.
A chim mi cu “Ralhraang nih remdaihnak kong ceih dingin sawmmi ah kan nih CNF cu kan kai lai lo, mipi ralkap hriam a tlaimi vialte zong ahohmanh kai bak lo ding. Zeitik hmanh ah uknak ningcang loin a laatu cu kan cohlang kho lo.” tiah a chimmi tawifiannak in kan rak langhter. Tutan dothlennak hi lungrual tein kan kaarhlaan awk a si hriamtlai phu paohpaoh nih cun Min Aung Hlaing hi kan doh awk a si.
