Related Articles
Phe Khone khua i a um mi ralhraang pawl cu PDF pawl ifonh nih an doh hna i ralhraang minung 5 leeng an nunnak a liam i hriamnam tam taktak zong an chuhkhawh hna tiah thawng theih a si.
Pekhon kahdohnak ah ralhrang 5 an thi. 22. 2. 2022 Zing sml 6:00am hrawng ah Pekhon-PDF le mipi hriamtlai hna fonh in Pekhon khua, Loipa tlang le Kungsung tlangah hmunhma a khuarmi ralhrang pawl cu an kah hna. Sml 1 leng kahdohnak a chuak i cu kahdohnak ahcun ralhrang 5 an thi i tampi an i hliam tiah thawng kan theih.
Pekhon-PDF in minung 3 an i hliam i pakhat bel hi a hma fak tuk lo tiah Pekhon-PDF nih thawng an thanh. Kahdohnak chungah, BA zuun 100, MA-2 zuun 2, MA-3 zuun 1, kuanfang cheukhat le raltuknak thilri pawl kan chuh khawh hna tiah Pekhon-PDF nih a thanh.
