Related Articles
Hi Model nu pakhat hi a pawngkap mipi hna cu a hnuk a lianh tuknak nih cun siarem loin a tuah hna caah angki dang i aih tthan ding in an fial, cu nih cun model nu zong ka cungah hin thleidannak a um tiah lungrawk ngai in a chim ve.
Whitney Paige Benable, kum 26, Florida khualipi ah a tthanglianmi a si i movie i zeih dingin Universal Studios hmun umnak Orlando khua ah cun a va tlawn hi a si. Universal Studios ah rian a ttuanmi staff hna mituahto cu ka khuaruah a har hringhran tiah a chim. Cu chung i rian a ttuan vemi pakhat nih cun, park (exercise laaknak hmun) i kal na duh a si ahcun na angki hrukmi hi a zohchiat deuh caah i tuam law tiah an rak chimh. Whitney cu angki tawi le a hringmi bawngpi tawi, a pan ngaimi cu aa hruk, aa chawk vemi nu tthenkhat zong keimah bantuk tluk deng khi an i hruk/aih cio ko tiah a ti. “Ka ning zong a zak i an ka leirawi bantuk bak ah khin ka ruah ko” tiah Whitney nih cun a chim, Whitney hi tulio Social Media ahcun a laar taktakmi Instagram ah 1.6 million followers bak a ngei vemi a si.
Hi thil a can hi 2021 ah khan a si cang nain tuzarh ceuo lawng kha a rak chuak. “Ka hnuk a lianh ruang ah an ka thleidan tiah keimah le keimah nih cun kaa ruah ko. A ka ngiatu pawl zong an um leen, zeitin dah ka um lai tihmanh khi ka thei kho lo. Ka ning a zak taktak khi a si” tiah a chim. Cu tlawmpal ahcun Whitney cu Universal Studios ah cun lut ding an si nain a thil hruk/aih zoh aa dawh lo an ti caah i thleng tthan dingin an chimh. A timi cu ” keimah bantuk in Sports-bawli le angki tawi he a ummi tampi ka hmuh ko hna cu bu ahcun keimah thengte zoh aa dawh lo i thleng koh an ka ti, keimah hi maw an ka raal khun hnga tiah ka ruah ko cang, tthaal (summer) caan le a si fawn tikah a lum ngaingai. Zeidah a poinak si hnga tiah kaa ruat i ka theithiam kho lo nain hnuk lianh tuk rak ngeih zong hi mipi thinlung a rak laa deuh ko hih” tiah a chim.
A angki cung ahcun a dang sport angki cu aa hruk, vantthat ah a hawinu pakhat nih an mawtaw ah a rak i chiha ngelcel. Nain a thil cu a lum tuk ve caah tlawmpal ahcun aa phoih tthan. Ka sining ah ka kong an ka ceihmi nih khan ka thin zong a ka hunter ngaingai tiah a ti ve. “Nu hme nih hin cun an duhmi thil zeibantuk paoh an i hruk/aih ko asinain kan nih hnuk lianmi nih kan i hruk/aih ve tikah mit thiitnak le hurnak tu ah hman kan si.” tiah a ngaihchiatnak langhter pah in a chim. Hi Whitney Paige Venable hi 2020 lio ah khan hmanthlak pakhat a post i, cu hmanthlak cu report tu an tam caah Twitter tiang in rak banned (phih) a si.
“Voikhat zong ka hmanthlak cover ka thlen cu ahcun duh a nungmi ka pumrua cu kaa thlaak i ka chiah, bawngpi chungnawh (underwear) zong ka hruk ko, tlawmpal ah ka account cu banned a si, ka cung ah hin thleidannak a um hrimhrim ko tiah ka ruah i ka ngaih zong a chia ngaingai, a taktak ti ahcun keimah hmanthlak ka chiahmi nak in zoh a dawh lomi hmanthlak tampi zong Twitter ah khin a um ko. An thil tuah ning hi cohlan awk a har hringhran ko” tiah a chim. Note: Hi kong hi hurduhcuai ruangah duh paoh in ttial le phuahmi a si lo, nypost ah kan sikhawh tawk tein kan lehmi a si ti hi kan theihpiak hraam uh).
