Related Articles
Minkin kahdohnak ah ralhraang bawi pakhat a nunnak a liam i a ruak cu puan in an zual i ttha tthi in vui lem loin khur pakhat an cawh i an phum top.
Sagaing Region, Minkin Township, mipi runveengtu le ralhraang pawl cu January 30 ah an i kaap i bothum a simi ralkap bawi pakhat a nunnak a liam i a ruak cu puan in an tuam i an phum colh tiah Minkin myone runveengtu ralkap nih thawng an chuah.
Hi kahdohnak ah hin ralhraang in a thi mi an tam ngai i bothum a simi pakhat a nunnak a liam, a ruak zong cu puan in an zual i an phum sawhsawh cu pin ah ralhraang lei ruak zong tampi an um kho rihmi a si, a caan a um rih lo caah ralhraang lei nih an hawile ruak zong kawl lemlo in an chuah taak tiah thawng kan theih tiah Khit Thit Media nih a ttial.
A Dang Relchih: CNF General Headquarters lei nih KIA/KIO hna cu tihin ca an kuat hna: 1. Kum 2022 Februay 5 ni hi Kachin miphun pawl mah le mah i uk khawhnak an hmuh i Federal uknak sernak dingah KIA/KIO hruainak in hriamtlai in kahdohnak an thok ni in nihin kum 61 a tlin ni, Kachin ralkap pawl caah nisunglawi a si. Hi ni hi Kachin ralkap pawl lutlai hna le hriamtlaimi ralkap pawl vialte upatnak an peek hna ni le kahdohnak ruang i a thi mi, ram le miphun caah nunnak a pemi, zohchunh awk a tlakmi ralkap pawl le Kachin miphun ram le miphun caah nunnak a pemi pawl upatnak kan in peek hna tiah langhter kan duh.
2. KIO/KIA nih kum 61 chung hriamtlai in raldohnak lam harsa ah nunnak in siseh thi in siseh thlan in siseh an pekchanhmi harsatnak vialte, zuamcawhnak vialte lonh khawh dih in fek tein an dir khawhnak hi an i hruainak ah hin a dikmi hruainak, ram an zumhnak ah hin a fekmi zumhnak, lutlai pawl bia an ngaih ning le Kachin miphun pawl nih tha an pek hna ning an lung aa rual tuk ruangah hin a si bik.
3. Chin National Fronts (CNF) le Chin mipi hna sining in zalonnak, thleidannak um loin lungrual tein cawlcanghnak Democracy hmuhnak le mipi pawl rual tein i zoh cio nak le mah nih duhnak langhternak nawl tibantuk biakamnak tling tein a ummi khua pakhat saknak dingah raldohnak kan luh tikah kan thi aa tlaimi kan unau a simi KIA/KIO, Kachin miphun vialte hna he lungrual tein ibawmchan dingin kan sikhawh tawk cio in kahdohnak ah kan lut tti lai.
4. Min Aung Hlaing uknak in a kan uk i a dik/hman loin ralhraang uknak tangah nihin Kawlram ning piin ramkhel, kahdohnak, pakhat le khat ipehtlaihnak a har lio bik caan a si i KIA/KIO sining in mipi lei ah fek tein dir i ralhraang uknak cu doh i mahte iuknak kan hmuhkhawhnak ding le federal in i hruainak caah kahdohnak lei ramkhel cawlcanghnak ah teinak kan hmuh hrimhrim nak hnga thlacamnak hi kan in kuat hna. Chin National Fronts
