Related Articles
Kyauk Padaung ah ralhraang uknak chan kum 2001-2002 lei ah ka kir duh ti lo a ti i amah le amah mei in aa khaang i duhlonak a langhtertu Ko Aung Aung cu tuzaanlei ah khan a nunnak a liam.
Kyauk Padaung khua ah ralhraang uknak chan 2001-2002 cu ka kir ti lai lo tiah ca a ttial i Ko Aung Aung cu amah tein mei in aa khaang. Meikhangh in dothlennak a langhter i tuzaanlei ah a nunnak a liam tiah khuami pakhat nih a chim. Inn tiang a ruak cu an rak put khawh, tuzaanlei ah a nunnak a liam. A chungkhat pawl cu an thinlung a kekkuai dih tiah Khit Thit Media nih a chim. Ko Aung Aung hi tuzingka ah ralhraang uknak duhlonak langhternak ah amah le mah mei in aa khaang i a nunnak a liam. Catlap cungah “suimilam 24 chung mipi pawl hi mei (electric) ngah/hmu hna seh, kum 2001-2002 chan lio caan ah kan kir ti lai lo” tiah a ttial i amah le mah mei aa khangh hi a si.
“Kyauk Padaung khua, EPC zung pawngah amah tein mei in aa khangh hi a si i catlap chung zongah ralhraang uknak chan cu kan kir ti lai lo tiah aa ttial” tiah khuami pakhat nih Khit Thit Media ah a chim. Mah le mah meikhangh in dothlennak a langhtertu Ko Aung Aung hi Kyauk Padaung khua, Shwe Taansa Laan ah khuasa mi a si, a thih lio ah hin a nupi le a fale pahnih a roh ta hna.
