Related Articles
Nizaan Liwo khua kahdohnak ah ralhraang minung 10 leeng an thi, nihin zong kahdohnak a chuak i ralhraang lei nih hriamnam ngan an hman caah PDF lei in minung 1 a nunnak a liam i mipi lei in minung 2 hliamhma an tuar tiah Khit Thit nih a langhter.
Nizaan February 22, Demoso Myone, Liwo khua le Wi Thae Ku khua pawng ah ralhraang thazaang tthawng ngai in kahdohnak a chuak i ralhraang le Kayinni-PDF karlak kahdohnak fak ngai in a chuak i ralhraang lei minung 10 leeng an nunnak a liam tiah Demoso-PDF nih thawng an chuah. Nizaan chun nitlak kahdohnak a chuak i zaanlei suimilam 3 PM hnu ah vanlawng in voi 5 leeng an kah hna lengah zaanlei suimilam 4 PM ah ralhraang nih cunglei in bomb voi 7 leeng an thlak tthan.
“Nihin Februry 23, zingka ah ralhraang pawl kahdohnak ruangah meithal kuan hliamhma a tuarmi an um i PDF lei in minung pakhat a nunnak a liam, mipi lei in minung 2 hliamhma an tuar tiah theih a si. PDF minung pakhat nih hliam a tuar timi thawng zong kan theih, a ho set dah a si tibel kan thei kho rih lo, thawng dik le hmaan kan thei kho rih lo, kan sin ah thawngpang dik a phaan rih lo” tiah Demoso-PDF nih Khit Thit Media ah an chim.
Ralhraang lei nih Moe Bwe khua cu i tinh in an kah i U Angelo, kum 72, le Nu Caroline, kum 14, cu hliam an tuar tiah Phekone-PDF nih thawng an chuah. Ralhraang pawl cu tuzingka a ni 8 nak Kayinni Pyinay chungah thazaang chah ngai in an lut i hriamnam ngan mi he an kah hna tiah thawng kan theih.
