Related Articles
MAH Puai Ah A Laam Mi Dawei Traditional Dancer Pawl Covid An I Chawnh Hna Taningtari ramṭhen Dawei ah SAC ralhrang nih an tuahmi 75th Dimond Jubilee Union Day ah a lamthiam, Dawei Traditional Dance Group pakhat cu COVID-19 zawtnak an i chawnh dih hna, tiah Dawei ngandamnak lei phu sin in theih a si.
“COVID-19 zawtnak aa chawnh mi hna cu Dawei peng Buh-Maw (ဘုမ္မော်) sang Titaku(သီတာဂူ) siizung Covid Centre ah quaratine in an um i thlop cuahmah lio an si,” tiah Dawei Red Cross in rianngeitu pakhat nih a chim. Dawei Traditional Dance Group hi ni 12 ah SAC ralhrang hruaitu Min Aung Hliang nih amah le mah i cawisannak a tuahmi puai ah a laam mi phu an si, tiah theih a si. COVID-19 zawtnak i chawnh ruang ah Dawei pengkomh pengkulh pahnih ah kum 60 mi nu pahnih an nunnak liam, tiah theih a si.
Kuaipin Khua Ummi Ralhrang Sakhan An Laaknak Video Mandalay PDF Nih An Langhter: Mandalay ramṭhen, Moe Kote peng Kuaihpin (ဂွေ့ပင်) khua ah ummi ralhrang sakhan cu TNLA le Mandalay-PDF i bawm in February ni 14 ah an laak khawh, tiah theih a si. Cu an lak mi sakhan an doh hna lio video cu Manday- PDF nih nihin ah an langhter.
Mandalay-Moe Kote motor lam, Kuaihpin(ကွေ့ပင်) khua i ummi ralhrang checkgate sakhan cu TNLA le Mandalay-PDF nih an doh i ralhrang 26 an thi, PDF 2 an an nunnak liam ve, tiah theih a si. Hi khahdohnak ah hin SAC ralhrang phu lei in minung thazaang tampi cu an hawile bawm ding in an rat leng ah an pawngkam hna cu hriamngan in an kah pah caah ah khuami an hliam sual lai ti phan ah TNLA phufonh hna cu hnu an tolh ṭhan, tiah theih a si. Credit: The Chin Post
