Related Articles
Uniform Hruk Loin Khual A Tlawngtu Palek Myo Ti Hah Htun Cu Pale Joker PDF Nih An Tlaih! Pakukku khuapi in Pale leikap ah uniform hruk loin khual a tlawngmi palek Myo Ti Hah Htun, amah pumpak chiahchiahnak လ ၂၈၄၆၀၉ cu Pale peng chungah Pale Joker PDF nih nihin ah an tlaih khawh tiah theih a si.
Palek pa cu Nyi Pyi Daw ah rian aa thial dingmi a si i, caan karlak ah amah umnak Pakukku khuapi in Pale peng chungah a ummi a nupi cu don awkah a kalnak ah atu bantukin Pale Joker PDF nih an tlaih hi a si. Palek Myo Ti Hah Htun cu atu ahcun Pale Joker PDF nih tlaih in an khumh chung i, NUG phung ningin anmah sinah up dingin timhtuahnak an ngei tiah theih a si. Kawlram chung hmunkip ah mipi vengtu, anmahle umnak cio vengtu hna nih SAC ralhrang ralkap kuttang ah a ummi rianttuantu hna cu CDM tuah hratin mipi sinah fonh zawkzawk dingin cathanh an chuah. Credit: The Federal Times
A Dang Relchih: Hpakant peng, Moekaung le Hpakant karlak Manawhhmaw ah KIA/PDF ṭangṭi le ralhrang karlak kahdohnak cu nithum chung a chuak cang i ralhrang an sungh tuk caah vanlawng le hriamngan tamtuk an hman cang, tiah KIA thawngzamh nih a langhter.
“Nanyan khua chaklei kap Manawhmaw ah Febuary 3, zanlei suimilam 5:00 thawk in kahdohnak a chuak. A caan te lawng ah an dai i, an i kap nolh ṭhan peng, nizan zong chunnitlak an i kap i nihin zong an i kap peng ko. “Nithum chung bak an i kap cang i ralrang tam ngai an thih cang caah vanlawng in voi 8 rori bak cunglei in a vun bawmh hna pin ah Nanyan ralhrang camp in hriamngan voi 70 reng lo an hei kah bawmh rih hna. KIA, PDF tu cu atutiang a thi mi an um rih lo,” tiah Khet Thit Media sin ah KIA thawngzamhtu nih a chim.
Ralhrang nih hin Jet Fighter he Helicopter he an hman i, zaan ah cun Jet fighter nih an kan kah a tam deuh, a changchang in an kan kah, tiah KIA nih an chim chih. Tu an i kahnak a fahtuknak hmun Manawhmaw lei ah cun ralhrang nih ralkap thazaang chap ṭhan a timh, tiah theih a si i, Atu thawng kan hlat tiang ah kahdohnak a faak peng rih, tiah theih a si. Credit: The Chin Post
