Related Articles
CDF kalnak lam ah Bomb an hmanh/tunhmi aa lamhsual ruangah Thantlang i ralhraang bawi Myo Zin Htun cu a ke khat lei a bul i a nunnak zong a liam colh.
Chin ramkulh, Thantlang khua i ralhraang bawi pakhat Myo Zin Htun cu nizaan February 13 ah bomb hmanhmi aa lamh sual ruangah a ke khat lei a bul tiah CHRO nih thawng kan theih. CDF pawl ratnak ding i bomb an tunhmi cu an tunhmi lila amah nih aa lamh i a nunnak a liam tiah thawng kan theih. Ralhraang bawi bomh hmanhmi aa lamh dih hnu in Thantlang um ralhraang pawl nih inn le lo cu a voi 25 nak an khangh tthan tiah CHRO in kan theih.
Thantlang khua um ralhraang pawl nih mipi nih an chuah taakmi inn le lo cu an baoh le an fir dih hnu ah an khangh i cuticun CDF le ralhraang karlak ah kahdohnak a tu le tu a chuak. Ralhraang pawl nih an khanghmi Thantlang inn le lo hi a cheu/zatceu paoh cu khangh a si cang tiah Khit Media nih a langhter.
