Related Articles
KNU Brigade 5 Ah Thlakhat Chung Ah Ralhrang 200 Deng An Thi! Karen National Union(KNU) Brigade 5 Phapone Pengkomh chung ah KNU Brigade 5 le ralhrang cu thlakhat/January chung ah voi 322 an i kap i ralhrang 194 an thi; 200 hrawng hliam an tuar, tiah ‘Moe-Aw’ ti mi thawngzamh nih a thanh.
Ralhrang lei a thi mi ah Duh-tatzinhmu rank pakhat ai tel, hliamtuar lakah Tatzinhmu rank pahnih an i tel. Ralhrang mawṭaw 20 an hrawhpiak hna i an hmanrua Rang 4 zong fimtawl an si. Hi thlakhat chung kahdohnak ah KNU/KNLA in minung 3 nunnak a liam i, 12 hliamhma an tuar. Ralhrang nih hriamnam kah thlorh in an kah caah minung(civil) 5 an thi i 18 hliam an tuar. Kahdohnak thlakhat chung ah ralhrang nih Vanlawng a hman peng i vanlawng in bomb voi 14 an thlak, tiah theih a si. Credit: The Chin Post
Thawng Dang: Pale Peng Ah mipi Umnak Inn 400 Leng Ralhrang Nih An Khangh! Sagaing ramṭhen, Pale (ပုလဲ) peng, Muaihtung(မွေ့တုံ) khua le Panyua(ပန်းရွာ) khua mipi umnak inn 400 leng cu ralhrang phu hna nih meikhangh in an hrawhpiak hna, tiah theih a si. “January 31, zinglei suimilam 10:00 hrawng ah Muaihtung (မွေ့တုံ)khua nitlak lei in meithal puahpah in khuachung an an lut, khuachung mipi umnak inn chung ah cun lut in thilri an kawl i, an thlok hnu zaan suimilam 7:00 luan hrawng in meikhangh hram an thawk. Muaihtung(မွေ့တုံ) khuachung ah kaang loin a taang mi hi inn 15 hrawng lawng an si, khangh lo mi inn hna zong hrawhpiak ṭhiamṭhiam an si,” tiah khua mi pakhat nih a chim.
Ralhrang phu hna nih Muaihtung (မွေ့တုံ) khuachung inn mei an khangh hnu ah Muaihtung (မွေ့တုံ) he mengkhat hrawng aa hlatnak ah a ummi Panyua(ပန်းရွာ) khuachung mipi umnak inn hna cu zanṭim suimilam 1:00 ah mei an khangh ṭhan, tiah khua mi nih an chim. “Panyua(ပန်းရွာ) khua inn 200 leng cu ralhrang nih mei an khangh, inn chung thilri an duh mi poh cu an i laak, cun, inn cu mei an khangh! zeiruangah dah mei an khangh zong theih a si lo, cuka hmun pawng hrawng zong ah kahdohnak a chuak lo,” tiah khua mi pakhat nih a chim.
“Tane(တနယ်) khua zong ralhrang phu hna nih an thilri an firpiak dih hna leng ah an hrawhpiak hna, tiah theih a si. Tane (တနယ်)khua, Panyua (ပန်းရွာ) khua le Muaihtung (မွေ့တုံ) khua lawng si lo in an kiangkap ummi khua hna zong khuachung ah um ngam lo in hmundang ah zaam dih a si,” tiah khua mi pakhat nih a chim Khit Thit Media ah a chim.
