Related Articles
Rakhine ramkulh, Muangtaw ah AA le ralhrang karlak kahdohnak cu February 4 in aa thawk i February 7 zaan tiang ah ralhrang lei ralbawi pakhat le ralkap dang 6 an thi. Ralhrang lei in a thi mi hna cu Kyi( ကြည်း)- 39638 Ralbawi Myint Swe Win, Tah (တ)-663062 Aung Myint Swe, Tah (တ)-104377 Kyat Tan Htwe (ကြပ်သန်းထွေး), Tah(တ )-374572 Yin Myint, Tah (တ)-39239 Kyat Ba Tin (ကြပ်ဘတင်), Tah(တ)-513888 Hting Lyin Aung (ထိန်လင်းအောင်), le Tah (တ)-513147 Aung Aung hna an si.
Ralhrang a thi mi hna hi February 7, 2022 zaan Sml 11:30 hrawng ah an thi mi hna an si, tiah ralhrang hna thawngthanhnak in theih a si. February 7 ni zaan Rakhine ramṭhen, Muangtaw(ေမာင်ေတာ )peng, Phawatt Chuang khua pawng i hlei ah ralhrang motor thing a phor mi cu AA nih bomb an puah i ralhrang 7 le mi sawhsawh minung 2 an nunnak a liam, tiah theih a si. Nain Chindwin News Agency nih cun ralhraang minung 13 ruak an vui hna lio video cu an rak langhter. Pa 7 an thih ah siseh 13 an thih zongah siseh thawngttha si tthiamtthiam ko.
Chindwin News Agency nih cun tihin a langhter ve “Kawl ralhraang nih kahthah a tongmi ralhraang ruak 13 hna le caan karlak caah battalion commander ah thim mi ralbawi pakhat zong aa telh chih, cu hna cu anmah ralhraang pawl nih an vui hna tiah theih a si. Hi kahdohnak ah hin AA he an si i Rakhine State, Maungdaw Township, Phawatchaung khua ah a si. A tanglei ah hin an i vui lio Video zong zohkhawh chih a si.” ti’n an langhter ning cu a si.
Credit: Chindwin News Agency
