Related Articles
Taunggyi khua ah Karennis ralzaam pawl a bawmtu hna mino tete minung pa 6 cu ralhraang nih an tlaih hna tiah theih a si. Shan PyiNay, Taunggyi Myo Nay ah Karennis Pyi Temaw khua pawng hrawng i um mi ralzaam pawl bawmh ding in a kal mi mino tete minung pa 6 cu ralhraang pawl nih March 24 ah an tlaih hna tiah tlaih a tongmi hna an hawi le sin in thawng kan theih.
Tlaih a tongmi hna hi Ko Min Min Tun, Ko Zui, Ma Lin Lat Khi, Mah Htet Htet le an hawi le pa 2 an si i ralzaam pawl an bawmh dih hnu hna ah detsi dawr ah an tlaih hna tiah theih asi. An dih lak in Taunggyi um mi an si. An kalnak motor zong an tlaih chih tiah theih a si. Ralzaam pawl an bawmh dih hna in PDF an si tiah an tlaih hna tiah tlaih a tongmi hna i pawngkam um mi nih an chim.
Ralhrang pawl nih an tlaihmi hna hi mino tete 6 an si i nungak pa 3 an i tel nu pawl cu an velh hna lengah an chung pawl he zong ton an sianh hna lo. An chungkhar hna nih ton khawh ding in an i zuam cuahmah lio si tiah khua mi hna sin in thawng kan theih.
Tatmadaw Ni Ah Suimilam Cheu Chung Mei Hmih Ding Ah NUG Nih Mizapi Forhfial: Thaizing, March 27 ni ah tuah dingmi Kum 77nak Myanmar Tatmadaw Day ah ram pumpi huap in electric mei hmang loin in duhlonak langhter ding ah National Unity Government (NUG) mizapi sin forhfialnak cathanh cu tuni March 26 ah a chuah.
Thaizing, March 27 zaan slm:8:00 in 8:30 tiang electric mei van lo ding ah NUG nihcun mizapi a forhfial i hihi tulio electric mei a mih lengmang mi duhlonak langhternak caah caan karlak suimilam cheuchung meihmih ding asi lai tiah NUG nih an cathanh ah an langhter. Myanmar ram pumpi ah March thla thok in electric a mit lengmang i pengkulh le sang tthen in a chang chang in mei an pek, Tu bantuk in a chang chang in electric mei pek hi May thla tiang a si lai tiah SAC in chimphuannak nawlngei Zaw Min Htun nih March 24 ahkhan Media he tonnak ah a chim.
